تامر حسني عن حفل الإسكندرية: سعيد بتقديمي 13 موهبة مصرية من مختلف المحافظات

تألق تامر حسني أمس بحفل الإسكندرية الذي رفع شعار كامل العدد، وسجل حفل الإسكندرية لطلاب الثانوية العامة واحدة من أقوى حفلات الصيف للفنان تامر حسني وسط حضور جماهيري ضخم.

تعليق تامر حسني على حفلة أمس بالإسكندرية

ونشر نجم الجيل تامر حسني من خلال حسابه الشخصي بموقع تبادل الصور والفيديوهات "إنستجرام" فيديو به مقطتفات من حفلة أمس معلقًا: "في إسكندرية إمبارح مكانتش حفلة كان حدث مش عادي بجد عيني مكانتش عارفة تجيب آخر الجمهور حضوركم الكريم ده هفضل فخور بيه طول عمري". 

وأعرب عن سعادته بتقديم مواهب جديدة، قائلًا:" اتشرفت بتقديمي لـ ١٣ موهبة مصرية من مختلف محافظات مصر وفعلًا كسروا الدنيا بأصواتهم اللي فوق الرائعه وعازف الساكس الصاعد المتميز اللي قدمته وموهبته كانت مفاجئه كبيره للجمهور ". 

كما أشاد بالتنظيم قائلًا: "فخور بالتنظيم أستاذ أدهم بكري الشاب الجميل الإسكندراني اللي كان بيحبني من وهو ١٥ سنه وقولتله لو بتحبني أو ي لازم تنجح ووعدني إنه هينجح  و النهارده عنده ٣٠ سنه ومن كبار منظمي حفلات اسكندريه، ويكون صاحب الحفل الاضخم في تاريخ حفلات مصر بشكر رجال الأمن كل الشكر مجهود عظيم في دخول وتأمين عدد خرافي زي دا"

تامر حسني يعلن عن تقرير لحفل الإسكندرية قريبًا

وأعن عن وجود تقرير كامل للحفل معلقًا:" لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون أوضح إن شاء الله ". 

واختتم حديثه بتوجيه رسالة شكر لطلاب الإسكندرية: "شكرًا طلاب الإسكندرية حبايب قلبي شكرًا لكل شعب اسكندريه العظيم الراقي المحترم شكرًا لكل الوحوش اللي تعبوا في المسرح الكبير ده وإخراج الحفله بالشكل العظيم دا اللي يليق بإسكندريه وشعبها". 

آخر أعمال تامر حسني السينمائية

يذكر أن النجم تامر حسني يعرض له حاليًا فيلم "بحبك" بدور العرض السينمائي في مصر والوطن العربي وحقق نجاحًا كبيرًا وايرادات ساحقة، والذي يشهد أول تجاربه الإخراجية فى السينما، وهو من تأليفه وبطولته، ويشارك معه البطولة كل من: "هنا الزاهد، وحمدي الميرغني، ومدحت تيخة، وهدى المفتي، أحمد عزمى، وتميم عبده، وسمر محمد متولى، وعمرو صحصاح".