ياسمين صبري: حسيت بالاكتئاب لما جبت ملحق في ثانوية عامة.. وعايزة أعمل براند "ميك آب"

حلت الفنانة ياسمين صبرى، ضيفة على برنامج "صاحبة السعادة" الذي تقدمه الفنانة والإعلامية إسعاد يونس، المذاع على قناة Dmc.

 وتحدثت ياسمين صبرى عن أكثر وقت أصيبت فيه بالاكتئاب قائلة: "أكتر وقت حسيت بالاكتئاب لما جيبت ملحق فى مادة الحساب فى الثانوية العامة، وحسيت إنى زودتها أوى، لأن أنا أعصابي هادية أوى".

وتابعت ياسمين صبري: "طبعا خبيت على أهلى إني جيبت ملحق وقلتلهم أنا نجحت، وكنت وقتها باخد فلوس من السباحة وبالفلوس دى أخدت دروس وبقيت متحملة مسؤولية انى سقطت، ودخلت الملحق ونجحت، ووقتها بقى عرفت أن عندى اكتئاب لما كنت بصحى وأقول أنا ليه صحيت على الواقع ده اللى هو أنى أجيب ملحق يعنى".

ياسمين صبري: نفسي أعمل براند “ميك آب” وأحط كل مشاكلي 

ومن ناحية أخري، قالت ياسمين صبري: "نفسى أعمل براند ميك آب بتاعى واحط في كل مشاكلى لأن أنا بنت بتعامل مع الكاميرا وعارفة يعنى إيه كاميرا أو إضاءة ويعنى إيه بشرة بتتعب، واحنا بنروح معمل لأن المكياج بيتعمل في معامل مش مصانع، وبقوله ان عاوزة البراند بتاعى من النبات ويكون مرطب للشفايف مثلا، أو عاوزة حاجة اورجانيك ميكونش فيه كيماويات".

ياسمين صبري: بدرس دلوقتي كورسات في علم النفس 

وأضافت ياسمين صبري: "أنا بدرس كورسات في علم نفس دلوقتى، وعملت كده لما لقيت نفسى قرأت كتب في التنمية ولقيت نفسى مهتمة أوى ومش بزهق، ودايما بكون عاوزة أعرف فقررت أدرس بقى، وعملت كده من وقت كورونا".

ياسمين صبري:أنا شخصية منغلقة بس مش بشعر بالوحدة

وأكملت حديثها قائلة: "أنا شخصية منغلقة بس مش بشعر بالوحدة ومش بتكلم على أمورى الشخصية، وعن مفهوم السعادة قالت: "السعادة بتتحقق من حبيب وعيلة، والحب جميل أوى، الحب الصح من الشخص الصح".

أعمال ياسمين صبري

ومن ناحية أخري، وتعاقدت ياسمين صبرى على بطولة مسلسل جديد مكون من 15 حلقة للعرض فى شهر رمضان المقبل، واستقرت ياسمين على سيناريو من تأليف محمد رجاء ووقع الاختيار على المخرج خالد مرعى لتولى مسؤولية العمل الذى يتم التحضير له حاليًا حيث يجرى الاستقرار على الاسم للعمل وترشيح الفنانين المشاركين فى البطولة.