بعد تصدرها التريند.. منى العراقي: "مش عايزة اتجوز في السر تاني"
تصدرت الإعلامية منى العراقي التريند بعد الإعلان عن خبر زواجها من الإعلامي أيمن رشوان مقدم برنامج الناس الحلوة، عبر قناة القاهرة والناس الذي ما بين التأكيد والنفي، وانتشر على مواقع التواصل الإجتماعي خلال الساعات الماضية.
منى العراقي تنهار باكية في بث مباشر بعد تصدرها التريند
قالت منى عراقي في بث مباشر: "إيه القرف اللي انا فيه ده؟ كل ده بيحصلي ليه؟ أيه المهم في قصة جوازي وارتباطي انا بقالي أكتر من يومين مش بنام ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني خلاص أولادي كبروا اخبي ليه؟ وقالوا لي بلاش ترتبطي في السر، دلوقتي مفيش داعي".
وتابعت: "ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت برضو أصروا يعرفوا وقلت لهم هعلن في الوقت المناسب عشان حياتي وحياته متبوظش".
وأضافت العراقي: "وجه فرح وحضرت ورحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي".
واستكملت: اللي عرفني الخبر صديقي، قالي الحقي عشان شافوكم بترقصوا في الفرح انتي وايمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى الترند الأول عربيًا".
وأعربت الإعلامية منى العراقي عن استيائها من تصدرها تريند مواقع التواصل الاجتماعي قائلة: "أنا ياما عملت شغل ومحدش عبرني، وياما عملت نجاحات ولا حد سأل فيا، وياما عديت أزمات صحية ونفسية ومعنوية ومحدش قالي انتي فين، ليه خبر جوازي يقلب الدنيا".
وفي نهاية حديثها، قائلة: انا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وهو حياته اتلخبطت والله أعلم بحاله، والقصة تافهة".
الإعلامية منى العراقي تعلن عن زواجها
أكدت الإعلامية منى العراقي عن خبر زواجها الذي تداول عبر مواقع التواصل الإجتماعي قائلة: "مساء الخير قولولي مبروك، ما كنتش أعرف إن القصة ممكن تتنشر كل هذا الانتشار، آه اتجوزت، اسم يشرف أي حد، لكن لأسباب كتيرة ما حبناش نعلن عنه، واتوتر تنا جدا لما لقينا الخبر تسرب بالمنظر دا".
وقالت خلال فيديو لها على صفحتها الشخصية عبر موقع التواصل الاجتماعي، فيسبوك: أيمن أنا أعرفه من زمان جدا، بينا كيميا، لما بنتقابل مبنبطلش ضحك ورقص، ودايما كان سند، الوحيد اللي ممكن أقوله أعمل إيه، وهو يقولي اعمل ايه، لأني بثق فيه ثقة عمياء، لما الخبر انتشر أيمن كلمني وقال لي اتصرفي خليهم يشيلوا الخبر ده، قولتله هتصرف".
وأكملت منى: "لكن ده مايمنعش، آه ليه أيمن؛ لأن في فرح سالي عبد السلام، أنا وأيمن ماسبناش بعض، وقعدت أرقص معاه، أنا مابطلتش رقص في الفرح أصلًا، الموضوع وسع، لدرجة إن فيه ناس قالت لي إيه ده هو أنتِ حامل، قلت لهم آه، متجوزة وحامل".
وواصلت: "أنا ماكنتش عارفة الخبر أصلًا، لما كلموني وقالوا لي على الخبر مبروك أنتِ اتجوزتي، قلت لهم آه، اتجوزت وحامل".
وأتمت منى: "بيكلموني بيقول أخبار الحمل ايه؟، انا دلوقتي اللي من دور عيالي مبيجبوش عيال، أقوم أنا أجيب عيال تاني، عمومًا أنا حبيت بس أرد على كل الصحفيين وباركوا لي".
أيمن رشوان ينفي زواجه من الإعلامية منى العراقي
نفى الإعلامي أيمن رشوان خبر زواجه من الإعلامية منى العراقي عبر حسابه الشخصي بموقع فيس بوك قائلًا: "خبر زواجي من الإعلامية منى عراقي كاذب، وليس له علاقة بالحقيقة، ومنى العراقي صديقتي وأختي".
وأضاف: "الخبر ملهوش علاقة بالحقيقة، وكاذب جدًا، وانا مستغرب بسبب انتشار الخبر بطريقة غريبة جدًا، ومستغرب من انعدام المصداقية والمهنية بوسائل الإعلام".
