ياسمين عز ترد علي الانتقادات: "أنا بقدم مادة مّفيدة ومُمتعة"

قررت الإعلامية ياسمين عز الخروج عن صمتها والرد علي الانتقادات التي واجهت لها بسبب تصريحاتها الأخيرة حول العلاقة بين الرجل والمرأة.

وأوضحت ياسمين عز أثناء استضافتها للإعلامية أميرة عبد العظيم في برنامج "كلام الناس" أنها لا تنزعج من التعليقات السلبية.

ياسمين عز عن منتقديها “خليهم ينبسطوا”

وقالت: "خليهم ينبسطوا، دايما بقول ما دام مبسوطين فداهم أي حاجة، اللي بيكتب ده ما دام بيكتب نقد يريحه، أنا مبسوطة لك أنك مرتاحة".

ياسمين عز: أنا بقدم مادة مفيدة وممتعة

وأستكملت ياسمين عز حديثها قائلة: "أنا بقدم مادة مفيدة وممتعة، لكن مزعلش من الانتقاد، بالعكس أنا بحب الستات اللذيذة اللي ممكن تناقرني، لكن الهادية اللي تقولي إنتي صح مش هتلاقيني صاحبتها، بحب المناقرة جدا".

ياسمين عز: في ناس ربنا حباهم بالبرود الشديد زيي

وأضافت ياسمين حديثها عن الانتقادات وقالت: "أنا فاهمة السوشيال ميديا خلاص، في ناس ربنا حباهم بالبرود الشديد زيي وفي ناس أكثر حساسية، الأكثر حساسية لا يمتهنوا مهنة الإعلام".

وأيدتها أميرة عبد العظيم قائلة: "كده هتنتقدي وكده هتنتقدي، استحالة ترضي كل الأذواق، ممكن ترضي الرجالة والستات يغضبوا، وممكن ترضي الستات والرجالة يغضبوا، لكن الحقيقة أنتي مش عارفة هترضي مين".

لترد ياسمين عز ضاحكة: "أنا بقول الحاجة وبتوكل على الله، أسترها يا رب".

ياسمين عز

وتعرضت ياسمين عز مؤخرا لانتقادات بسبب تصريحاتها الداعمة للرجال في علاقتهم مع النساء، وتوجيهها النصائح دائما للمشاهدات حول طريقة التعامل الصحيحة من وجهة نظرها مع أزواجهن.

تصريحات ياسمين عز

ومن أبرز تصريحات ياسمين عز التي جعلتها تريند مواقع التواصل الإجتماعي مؤخرا:" البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها..  بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه !!".

أنصفت الرجال وجاءت كصفعة على وجه النساء، حيث انتقدت طريقة تعامل الزوجات مع رجالهن وهو ما أرجعته لسبب الخيانة، وقالت ياسمين عز في برنامجها على قناة MBC مصر:" - الراجل عينه زايغة!! ما هو طول ما بيشوفك ضاربة البوز وعاملة “ القمطة “ في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة؟ ".

حديث ياسمين عز باستمرار بنفس الطريقة عن الرجال والنساء جعل الكثير من المتابعتين يتساءلون من هو زوج ياسمين عز أو خطيب ياسمين عز، والكثير من التفاصيل عن حياتها الشخصية.

ومن ضمن تصريحات ياسمين عز الأخيرة:" الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا".

ومن ضمن تصريحات ياسمين عز الأخيرة:" الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا".

وفي تصريح آخر قالت ياسمين عز:"  الراجل من حقه يمسك تليفون مراته زي ما هو عايز والست مش حقها تمسك تليفونه وتتجسس عليه ".