عاجل.. عمر كمال يكشف حقيقة زواجه من طليقة أحمد الفيشاوي (صور)

نفى الفنان عمر كمال خبر زواجه من ندى الكامل طليقة الفنان احمد الفيشاوي من خلال حسابه الشخصي على موقع "فيسبوك".

منشور عمر كمال 

كتب عمر كمال:" السلام عليكم 
أمبارح شوفت صديقى الدكتور أسامة قابيل بعد شغله ونورنى وكان قعدة جميلة.. واخدنا صور عادية بعد القعدة وكان لابس اللبس الازهرى الجميل لإنه بعد شغله الناس ف لحظة ربطت ده انو كتبت كتابى وبحاجات شخصية ف حياتى، مع انى كنت لابس شورت وكاب وقاعد ف قعدة خاصة جدا مع ناس بحبها..

عمر كمال:" ليه الناس بتفتش ورايا 

تابع:"  ليه يا جماعة فيه ناس عندها إصرار تخليني اطلع كلام مش عاوز اقوله وتفتش ورايا.. وليه الناس متراعيش ان كل واحد ليه اهل واسرة بيعملهم مشاكل معاهم بكل كلمة غلط بتنزل  .. انا حتى يوم ما أتجوز مش هدخل حياتى الشخصية ف السوشيال ميديا اطلاقا. ختم:" ياريت يا جماعة تسيبوني ف حالى وتراعوا ربنا ف سيرة الناس وفيه حاجات ف مصر أهم ١٠٠ مرة منى ومن أخباري الشخصية".

تصريحات عمر كمال 

حل المطرب عمر كمال ضيفًا على برنامج مساء DMC مع الإعلامي رامي رضوان، على شاشة قناة دي أم سي، وتحدث خلال اللقاء عن كواليس أعماله الغنائية، قائلا: "أنا أخر 3 أغاني زي "حلوين"، و"سهرانين" حصل خلل كبير جدا في قناتي وانا بمر بأزمة لأن أخر 3 أغاني معملوش نجاح يرضيني".

كما أوضح: "القناة عندي فيها مشكلة ايه هي معرفش وأثرت جدا على ربحها، يعني لو أنا مثلا بكسب 100%  فهي نزلت لـ 10%":، مضيفًا: "أنا اخترت أغني مهرجانات عشان أكون ماشي مع الذوق العام للناس".

وأشار كمال، إلى أنه لم ينجح في بداية مشواره الفني بسبب اللون الغنائي الذي كان يقدمه، قائلًا: "في الأول كنت بغني لون مختلف شوية ومواويل بس منجحتش مع الناس، ولقيت إني كده مباكلش عيش، ففي 2019 قررت اللجوء إلى عالم المهرجانات والأغاني الشعبية".

وتابع: "وقتها كان فيه حمو بيكا وحسن شاكوش وكانوا نموذج ناجح للمهرجانات في مصر وكانوا سابقني بكذا مهرجان، بدأت أدرسهم وأشوف بيتكلموا إزاي وبيعملوا إيه فأنا كلمت حمو قالي أنا بحبك وبحب أغانيك، قولتله معايا كذا فكرة عايز أعملها، قالي تعالى إسكندرية وعملنا أول مهرجان وضرب مع الناس، وجبت لحن خليجي عراقي وكسرت الدنيا، وجبنا 30 مليون وبعدين جت أغنية بنت الجيران".