نصر محروس عن شيرين: "في شلة حواليها هي اللي وصلتها لكده.. وهيبقي في أخبار كويسة عنها"

أكد الفنان مصطفى كامل نقيب المهن الموسيقية والمنتج نصر محروس، أنهما لن يتركا الفنانة شيرين عبد الوهاب قبل التأكد من تخطيها لأزمتها الحالية، وذلك خلال مداخلة هاتفية جمعته مع المنتج نصر محروس في برنامج "الحكاية" الذي يقدمه الإعلامي عمرو أديب، على قناة Mbc مصر.

وقال مصطفى كامل إن النقابة سوف تدعم الفنانة شيرين عبد الوهاب بكل السبل المتاحة، بعد دخولها المستشفى للعلاج من الإدمان، وأنه اتفق أمس مع الفنان أحمد سعد على اصطحاب الفنانة أنغام وعدد من الفنانين لزيارة شيرين في المستشفى ورفع روحها المعنوية.

نصر محروس عن شيرين عبد الوهاب: أنا تحت أمرها في أي حاجة تطلبها

وأشار كامل إلى أن نصر محروس يتواجد معه في منزله لتسجيل فيديو يدعمان فيه شيرين عبد الوهاب، وقال: "أنا تحت أمر شيرين في أي حاجة تطلبها".

ومن ناحية أخرى، بدأ نصر محروس حديثه مع عمرو أديب، مؤكدًا أنه تواصل مع شقيق شيرين عبد الوهاب لفهم طبيعة حالتها، مؤكدا: "إحنا جنبها ومش هنسيبها لشلل تنهشها وتبهدلها، شيرين بنت كل بيت في مصر، كل الناس بتحب شيرين وبتسمع شيرين

نصر محروس عن شيرين عبد الوهاب: في شلة حواليها هي اللي وصلتها لكده

واستكمل حديثة قائلا: "في شلة حواليها هي اللي وصلتها لكده، مش لوحدها، مش زرع شيطاني طلعت كده"، رافضا ذكر أسماء الأشخاص المقصودين.

وأكد نصر محروس: "أهم حاجة عندي أن شيرين يوم ما تفوق من اللي هي فيه، هتبعد عن كل ده وهترجع تاني وتغني وتفرحنا ونفرح بها، وهنقف جنبها ومش هنسيبها".

عمرو أديب: شيرين ماقابلتش في حياتها رجل يقف جنبها

ورد عمرو أديب قائلا: "شيرين ماقابلتش في حياتها رجل يقف جنبها، أنت الرجل الوحيد اللي ممكن تقف جنب شيرين"، ليجيبه نصر محروس: "وأنا عمري ما هسيبها، أنا تحت أمرها وخدامها لغاية ما تقوم من الوعكة اللي فيها، والأستاذ مصطفى لما جت له قال لي أنا والمجلس معاك قلبا وقالبا، وإن شاء الله هيبقى في أخبار كويسة عن شيرين قريب".

نصر محروس عن شيرين: مصطفى كامل حط إيده في إيدي ومش هنسيبها

وتدخل مصطفى كامل قائلا: "نداء لكل زملائنا إن إحنا نجتمع ونروح لشيرين زيارة ندعمها ونقف جنبها وندعي لها وندعي لأولادها"، ليقاطعه عمرو أديب موضحا: "يبقى في أحسن لو 3 أو 4 أفراد لو المستشفى وافقت"، وأجابه نصر محروس مؤيدا: "ممكن يكون الزيارة ماتنفعش لكن اللي ضامنه حاجة واحدة، طول ما في نفس يدخل ويخرج أنا تحت أمر شيرين في الموضوع ده ومش هبعد عنها، ومصطفى كامل حط إيده في إيدي ومش هنسيبها".

وأكد نصر محروس: "من كان منكم بلا خطيئة فليرجمها بحجر، شيرين بنت كل بيت في مصر، صوت بيغني في قلوبنا".