خاص.. إسلام زكي: "أنا منستهاش" كانت هتنزل في ألبومي الجديد.. وهذه هي كواليس دويتو الأغنية مع تامر حسين

كشف الملحن إسلام زكي كواليس أغنية "أنا منستهاش" وهي أغنية ديو تجمعه بالشاعر تامر حسين.

و في تصريح خاص لـ "الفجر الفني" قال إسلام زكي عن كواليس أغنيته: "أنا منستهاش": "كنت هنزلها سينجل في ألبومي القادم.. وكواليس الأغنية كانت في الأستديو وتامر حسين كان موجود معانا".

وأضاف: " تامر حسين بيحب الأغنية دي جدًا فجرب يغنيها بصوته فعجبتنا الفكرة، وقررنا أن كل شخص فينا يغني جزء منها وبالفعل عملناها بالشكل اللي نزلت بيه".

وتابع "كمان أغنية (أنا منستهاش+ فكرة جديدة بدلًا من كل شخص فينا يغني لوحده يغني لوحده.. وأيضًا كان كل شخص فينا هينزل أغنية سينجل فقولنا ننزل دي مع بعض".

كواليس العمل مع الشاعر تامر حسين 

و عن كواليس العمل مع الشاعر تامر حسين قال لـ "الفجر الفني": "أنا وتامر حسين في بينا كيميا كبيرة جدًا وده بسبب أن بقالنا سنين بنشتغل مع بعض تقريبا 10 سنين أو أكثر ف إحنا متفاهمين جدًا واشتغلنا في حاجات كتير حتي في منهم لسه منزلش".

و أضاف: "إحنا متفاهمين جدًا وبنعرف نوصل للشكل اللي عايزينه.. وذوقنا قريب من بعض حتي بنحب نفس شكل ونوع الأغاني،ومفيش أي مشاكل حصلت بالعكس كل حاجة كانت ماشية كويس لحد ما خلصنا الأغنية ونزلت".

تفاصيل أغنية “أنا منستهاش”

أغنية “أنا منستهاش” هي من كلمات تامر حسين وألحان إسلام زكي وتوزيع إلهامي دهيمة.

وتقول كلمات الأغنية 

أنا ما نسيتهاش

أنا مانسيتهاش
مع ان فراقنا بقاله سنين
وانساها ازاى انا مانع قلبى مايقولهاش

بعرف أخبارها ايه
وبتروح فين وبتيجى منين
ب أعرف بالتفصيل تفاصيل يومها

لا بقينا أصحاب
ولا كمِل الحب اللى ما بنا ليه قفلنا الباب
وياريت ل فراقنا ما سلمنا وعملنا حساب
اليوم اللى احنا حانتمنى نتقابل فيه
ده بجد عذاب

طب عايشة ازاى
أو بتفكر من بعدى ف مين
ماقدرش اعيش من غيرها عمرى ال جاى

ايه ده اللى وصلنا ليه
ده كان فى الدنيا مفيش اتنين
يحكوا ل نص الليل زى حالتنا