خاص.. إسلام زكي لـ "الفجر الفني": "أنا منستهاش" اتعمل فيها كل حاجة بالعكس.. واتحمست جدًا للدويتو ومبسوط بردود الأفعال
كشف الملحن إسلام زكي، " عن سبب تحمسه وشغله علي أغنية "أنا منستهاش"، كما كشف أيضًا عن الوقت التي استغرقته الأغنية.
إسلام زكي: هذا السبب هو ما حمسني لأغنية أنا منستهاش
وقال إسلام زكي، إن السبب الذي حمسه للشغل علي أغنية "أنا منستهاش" قائلًا: "السبب الذي حمسني للأغنية أن بقالنا وقت كثير مفيش أغاني بالطريقة والشكل ده اللي هو الأغنية اللي تتسمع والجمهور يحبها.. خصوصًا أننا داخلين على الشتاء والناس اعتقد زهقوا من الأغاني السريعة، أو الأغاني اللي هي مفيهاش موضوع درامي أو بتحكي عن قصة أو حاجة خصوصًا لو اتنين بيتكلموا عن قصة حب ".
و أضاف: "والفكرة بتاعت الأغنية نفسها بقالها كتير متعملتش فإحنا كنا متحمسين لحاجة زي كدة بصراحه لأن الناس وحشها تسمع النوع ده من الأغاني".
وكشف إسلام زكي لـ "الفجر الفني" عن الوقت التي استغرقته الأغنية قائلًا: "الأغنية ماخدتش وقت كبير إطلاقًا، الأغنية بدأت بالعكس لأن إلهامي دهيمه بعتلي الشكل الموسيقي اللي هو عمله بعدين أنا عملت عليه اللحن، بعدين تامر حسين كتب الكلمات يعني كل حاجه اتعملت بالعكس خالص".
وتابع: "التوزيع اتعمل الأول بعد كدة اللحن بعد كدة الكلمات والأغنية ماخدتش وقت في تنفيذها كتير لأن أصلًا كان إلهامي موزع الأغنية ف كان ناقص لمسات أخيرة زي تسجيل الجيتار وأحمد حسين جه سجل الجيتار في يوم وخلصنا الغنا وللميكس والماستر في الأغنية ماخدتش وقت طويل بصراحة".
و عبر إسلام زكي عن سعادته بردود الأفعال علي أغنية "أنا منستهاش" قائلًا: "الحمد لله التعليقات كلها إيجابية جدًا الناس بتتكلم بشكل كويس علي الأغنية وواحشهم يسمعوا أغاني بالشكل ده وكل ده في مصلحة الأغنية".
تفاصيل أغنية “أنا منستهاش”
أغنية "أنا منستهاش" هي من كلمات: تامر حسين،ألحان: اسلام زكي، توزيع: الهامي دهيمة،جيتار: احمد حسين
ميكس وماستر: احمد حسام.
و تقول كلمات الأغنية
أنا ما نسيتهاش
أنا مانسيتهاش
مع ان فراقنا بقاله سنين
وانساها ازاى انا مانع قلبى مايقولهاش
بعرف أخبارها ايه
وبتروح فين وبتيجى منين
ب أعرف بالتفصيل تفاصيل يومها
لا بقينا أصحاب
ولا كمِل الحب اللى ما بنا ليه قفلنا الباب
وياريت ل فراقنا ما سلمنا وعملنا حساب
اليوم اللى احنا حانتمنى نتقابل فيه
ده بجد عذاب
طب عايشة ازاى
أو بتفكر من بعدى ف مين
ماقدرش اعيش من غيرها عمرى ال جاى
ايه ده اللى وصلنا ليه
ده كان فى الدنيا مفيش اتنين
يحكوا ل نص الليل زى حالتنا
