حسام حبيب: 'أنا سبت شيرين عشان كنت عايزها تبطل مخدرات'

رد حسام حبيب، عن جميع الاتهامات التي توجهت إليه من خلال أزمته الأخيرة مع الفنانة شيرين عبد الوهاب.

وقال ‘حسام’، خلال مداخلة هاتفية مع الإعلامي عمرو أديب، مقدم برنامج ‘الحكاية’، المذاع على قناة ‘mbc’ ‘انا لو كان عندي وسايط كان حصل فيا كل ده؟’.

وأضاف ‘حبيب’، ‘قعدت ٤ أيام مش بقوم من النوم في غرفتي لحد مجاتلي مكالمة من سارة الطباخ’.

وأشار ‘حسام’، إلى 'أن المنتجة سارة الطباخ طلبت مني أننا نكلم محامي شيرين عبد الوهاب ولكن رفضت لأن المحامي خصمي'.

وأكد ‘حسام’ أنه علم أن شيرين عبد الوهاب في المستشفي بالصدفه، من شخص في المستشفي وأكد على أن في جسمها علامات ضرب كتير، موضحا ‘شيرين اضربت وأنا اضربت وعلمت أيضا أنها حاولت الانتحار وكانت رافضه الأكل تمامًا، وممنوعة من الزيارات’.

وعبر حسام، عن حبه لشيرن قائلا: ‘حاولت اقنع شيرين تتعالج وهي معايا واتعالجت، بس منهم لله اللي خدوها في سكة تانية، ومكنتش عارف امنعها حسيت ان مليش لازمة’.

وأكمل حديثه قائلا: ‘شيرين مظلومه من اللي حواليه، أنا بقالي شهور بعيد عن شيرين هوصلها للي هي فيه دا إزاي’.

وأكد ‘المطرب حسام’ ‘أنا متنازلتش عن المحاضر علشان خاطر أهلي، أهلي اتاذوا كتير جدا، والدتي وأهلي أول مرة يسمعوا قصه الضرب ومش موجود في ثقافتنا كده، أنا مش عايز أحمل أهلي اختياراتي’.

وعن حبه لشيرين عبدالوهاب قال ‘أنا بحب شيرين بس أكبر عذاب لما تكون بتحب حد كده وشايف أن الظروف بتمنعك، شيرين ياما عملتلي بلوك، خناقاتي أنا وشيرين كانت تافه جدا’.

وختم حديثه ‘أنا عيشت في بيت أمي ٣٧ سنة، خرجت من بيت أمي على بيت شيرين علطول، شيرين عبد الوهاب كانت أول جوازه ليا ومكوناش عارفين نعيش من كتر التدخل في حياتنا’.