بعد تصدره التريند.. التصريحات الكاملة لـ حسام حبيب في مداخلته مع عمرو أديب
تصدر الفنان حسام حبيب تريند محرك البحث جوجل، وذلك عقب مداخلته الهاتفية لبرنامج الحكاية الذي يقدمه الإعلامي عمرو أديب عبر قناة MBC مصر، والتي أدلى فيها بتصريحات جديدة وكشف بها عن أسرار بعلاقته بالفنانة شيرين عبد الوهاب.
وفيما يلي أبرز تصريحات حسام حبيب لـ "برنامج الحكاية":
-"شيرين بتتأثر بالكلام جدا، فوق الوصف، إلى أن وصلنا للطلاق، وبعدين موضوع الشعر اللي الناس كلها عرفته، عمري في حياتي ما كنت عنيف مع ست، مش تربيتي، أهلي ناس كلهم متعلمين، أنا راجل متعلم ومتربي، ومتربي قبل متعلم، متربي يعني إيه ست؟، وعمري ما أخدت منها جنيه، وأول ما شفتها حلقت شعرها، انهرت من العياط، ووقعت على الأرض".
-"شيرين عبد الوهاب اول جوازه ليا... وخرجت من بيت امي على بيت مراتي".
-شيرين قصت شعرها في نفس يوم ما طالبتني بالطلاق، وأغمى علي أول ما شفتها.. هي حلقت شعرها علشان تقسو على نفسها، وتنهي العلاقة، ولكن ده محصلش".
-"معملتش حاجة لنفسي من يوم ما اتجوزت شيرين، ولا لحنت أغنية ولا غنيت أغنية".
-"أغلب مشكلاتي مع شيرين كانت بسبب أسلوب حياتها، وعندما ظهر الإدمان في حياتها، قلت لها يا أنا يا الحاجة دي".
-"مأخدتش جنيه من شيرين ولا من قدامها ولا من وراها، وكان واجبي أكبر ثروتها مش أنقصها، وعملت لها سيستم لإدارة أموالها".
-"عمري في حياتي ما كنت عنيف، مع أي سيدة.. أنا راجل متربي ومتعلم، وعارف يعني إيه ست.. ومدافعتش عن نفسي علشان مهاجمش شيرين".
-"لا أتعجب من تعرضي للهجوم المستمر منذ عام بسبب شيرين".
-"علاقتي مع شيرين بدأت بالصداقة، ولم أتوقع زواجي منها".
-"شيرين استغاثت بي لإنقاذها من المحيط الذي كانت فيه".
-"كرّست حياته لمساعدة شيرين، ولكي تسير حياتها الفنية بشكل منضبط".
-"وجودي كان غير مستحب للمحيط بشيرين؛ لأن الحنفية اتقفلت.. كان خلاص محدش بياخد حاجة من شيرين مش من حقه".
-"عند زواجنا.. كان رصيدي من الأموال يفوق شيرين بكثير، شيرين كانت "منتهكة ومنهوبة".
-"الناس اللي عايشين من خير شيرين كانوا عاوزني أبعد عنها.. كانوا عاوزين يمتلكوها.. وأنا بقيت العدو الأول للناس دي".
-"الطلاق كان بسبب اعتراضي على أسلوب حياة شيرين، واعتراضي على المحيطين بها، وعلشان كده اتهمتني اني ببعد الناس عنها".
-"لم أعلق أبدا على وزن شيرين الزائد، لدرجة اعتبرت نفسي تسببت في أذى لها، كان لازم اللايف ستايل كله يتغير".
-"من غير المنطقي أن يصل مرض شيرين (الإدمان) لهذه الدرجة في غضون أسابيع، وأسأل نفسي.. لماذا فجر ذويها الأمر بعد بيان الصلح؟"
-"شيرين قالت لي بعد إبرام عدة اتفاقات تخصها، إن حقي كبير، وكنت رافض أحصل على أي شيء، ثم أهدت لي السيارة نظير تلك الاتفاقيات، وكنت رافض الهدية ومركبتهاش غير عندا فيها بعد خلافنا".
-"هناك من سيرث في شيرين وهددها بالحجر عليها، الأمر الذي جعلنا نأخذ الاحتياطات المطلوبة من أجل تأمين أموال شيرين لصالح بناتها".
-"أقسم بالله العظيم أنا شفت شيرين نازلة حافية من بيتها لابسة البيجاما متعرضة للسحل والضرب مفتوح عليها مطواة أمام طبيب ومنقولة في عربية رغما عنها".
-"شقيق شيرين قاطع علاقته بيها منذ عامين.. ما السبب وراء ظهوره الآن. وكان جاي يعتدي علينا ومعاه صحابه مش بس أطباء".
-"اتضربت من اللي اعتدوا على شيرين. وضلوعي اتكسرت. والبنت المساعدة لها برده، اتعرضت للضرب والإهانة. اللي حصل ميدلش إن دول دكاترة أو أطباء. مش هنسى المنظر مدى حياتي".
-"لم أتنازل عن القضايا التي رفعتها ضد شيرين، بسبب أهلي.. قلت لأهلي إني هجيب لكم حقكم، احنا بنتعرض لسباب وإهانات على التليفونات".
-"أمتلك سلاحا مرخصا شيرين كانت تطلب دائما حفظه في الخزنة، ولما قررت أسيب البيت أخذت المسدس، وتم تحريف الأمر واتهامي إني رفعت عليها السلاح".
-"عرفت من داخل مستشفى شيرين إنها حاولت الانتحار مرة، وامتنعت عن الأكل 4 أيام.. واحدة متاخدة بالشكل ده ومش بتاكل ومش بتشرب ومش بتشوف بناتها".
-"شيرين لو سبتها ربع ساعة كانت بتتاكل.. شيرين كان فيه راجل شغال عندها محاسب قعد يحكيلها ظروفه.. اديتله 100 الف دولار أخدهم وطفش".
