“ضيعت البنت يا قاطع صلة الرحم كنت أسالني أقولك تقول أي”.. هجوم عنيف من حسام حبيب على نجله

هاجم حسين حبيب نجله الفنان حسام حبيب بعد تصريحاته أمس عن الفنانة شيرين عبدالوهاب وأهلها، وبعد ما أدلى  حسام حبيب عدة تصريحات يهاجم فيها شيرين عبد الوهاب وأسرتها، ويتهم أسرتها أنها لم تكن تهتم بها قبل المصالحة بينه وبين شيرين.

تعليق والد حسام حبيب

حيث كتب والد حسام حبيب عبر حسابه الشخصي بموقع التواصل الاجتماعي "فيسبوك" منشورًا، قال فيه:" قولو الحق ولو على أنفسكم، هو ينفع أخالف شرع ربنا بحجة إني أحمي أولادي، البنات ليها الثلثين والأهل ليهم الثلث بعد عمرو طويل وده يخلي الأهل راضيين ويراعوا البنات وهى دي صلة الرحم".

والد حسام حبيب: لو كنت بتسأل أبوك كان رشدك للحق

وأكمل: "وغير كده بتزرع العدواة بينهم أنت كده مش بتحافظ على مال زوجتك أنت بتخالف شرع ربنا والنتيجة إنهم فضحوها وقضوا على مستقبلها، وأنت حطمت زوجتك بجهلك، لو كنت بتسأل أبوك كان راشدك للحق والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".

والد حسام حبيب: الزوج يعوض ولكن الأهل ميتعوضوش

وأشار أن شيقها هو من حمل أخته اكثرعمن 20 عامًا وأن كل شئ يعوض ولكن الأهل لا يعوضوا أبدًا قائلًا: "أخوها بقاله أكثر من 20 سنة بيراعي أخته وهى مصدر رزقه أجي أقفل عليه الحنفية ويقعد 4 سنين من غير شغل، وراجع تاني تقفل عليه الحنفية هو وأمه وأخته وعايزه يسيبك".

وأختتم: "يا ناوي على قوتي يا ناوي على موتي، الزوج يعوض الأم والأخ ميتعوضوش، كلمة حق لوجه الله".

وكتب منشورًا آخر يواصل فيه هجومه على نجله حيث علق قائلًا: "أنت بتقول رجعت ليها العربية اللي بـ 5 مليون وواحد بيشتغل معاها أخدها منها وقالها هديكي بدالها شغل، وواحد تعرفه شكلها حاله إديته 100 ألف دولار وخلع، وإنها بتكتب شيكات للناس على بياض".

وأكمل "أنت كده بتدي مبرر لأهلها ليحجروا عليها وبتطلعها إنها سفيهه وعبيطة وأنا من معرفتي بيها إنها واعية وناصحة، أنت بتيجي تكحلها تعميها أسأل أبوك يقولك تقول أيه".

أبرز تصريحات حسام حبيب أمس

أهلها ليه ماخدوش الخطوة دي من بدري ليه، أنت شايف أنها بحاجه للرعاية الصحية اشمعنا عملت كده بعد البيان.

شقيق شيرين قاطع علاقته بيها منذ عامين، ما السبب وراء ظهوره الآن. وكان جاي يعتدي علينا ومعاه صحابه مش بس أطباء.

اللي دمر شيرين شخص قالي في يوم أنا معايا توكيل رسمي منها وهحجر عليها.

هناك من سيرث في شيرين وهددها بالحجر عليها، الأمر الذي جعلنا نأخذ الاحتياطات المطلوبة من أجل تأمين أموال شيرين لصالح بناتها.

مخدتش جنية من شيرين ولا من قدامها ولا من وراها، وكان واجبي أكبر ثروتها مش أنقصها، وعملت لها سيستم لإدارة أموالها.

عمري في حياتي ما كنت عنيف، مع أي سيدة، أنا راجل متربي ومتعلم، وعارف يعني إيه ست،  ومدافعتش عن نفسي علشان مهاجمش شيرين.

شيرين قصت شعرها في نفس يوم ما طالبتني بالطلاق، وأغمى علي أول ما شفتها، هي حلقت شعرها علشان تقسو على نفسها، وتنهي العلاقة، ولكن ده محصلش.

عند زواجنا، كان رصيدي من الأموال يفوق شيرين بكثير، شيرين كانت منتهكة ومنهوبة.