حلمي بكر عن شيرين عبدالوهاب: " لازم كلنا نقولها انتى غلطي "

علق حلمي بكر على حادثة وأزمة شيرين عبدالوهاب الأخيرة وذلك من خلال أستضافته في برنامج "قعدة ستات" الذي تقدمه الإعلامية مروة صبري. 

تصريحات حلمي بكر عن شيرين عبد الوهاب: 

حيث قال: " إحنا عمالين ندلع فيها حتى في المصيبة بندعي لها.. لكن لازم كلنا نقول انتي غلطي وربنا يفوقك ولما تخفي هنحاسبك.. الناس مش عارفين تتهم مين؟.

وتابع حلمى قائلٱ: " أنا ليا حد أعرفه بقالي 4 أيام قافل عليه الباب بخبط أشوفه مات ولا لا.. ولما أقتحم ألقى سيدة مطلقة وطليقها مع بعض؟؟.

وأضاف: ولو هي عايزة تخف وترجع لصوابها هتقول الحقيقة وإلا هنعيش في الكذب ده كله.

تصريحات حسام حبيب عن أزمته مع شيرين: 

وفي سياق آخر متصل خرج حسام حبيب عن صمته في أزمته مع شيرين عبد الوهاب، وذلك أثناء مداخلة هاتفية مع الإعلامي عمرو أديب. 

وتحدث من البداية عن مشكلاته مع زوجته السابقة شيرين حيث قال:" وجودي كان غير مستحب للدائرة اللي هي فيها"، موضحا: "لما جيت اتجوز شيرين كان عندي فلوس اكتر منها بكتير، كنت العدو الأول لأي حد من المستفيدين من ورا شيرين، هما عايزين يمتلكونها، واشتغلوا 4 سنين على إن الراجل ده لازم يمشي من حياتها لأن الحنفية اتقفلت".

وتابع حسام قائلٱ: "شيرين قالت لي عايزة أخرج من المحيط اللي أنا فيه أنا بنهار، شيرين عفوية جدا وشخص طيب جدا، علاقتنا نقية ومش سامة زي ما الناس كلها بتقول، وأنا عمري ما خدت من شيرين جنيه".

مشكلتي مع شيرين هي ان مكنتش راضي بأسلوب حياتها والناس اللى حواليها، مثلٱ ينفع اكون مش بشرب سجاير وأقعد في مكان كل اللى فيه بيشرب سجاير". 

وعند سؤال عمرو أديب له عن حقيقة حلقة لشعر شيرين قال:" أنا اتهموني ان ضربت شيرين وأنا عمرى ماغلط في واحده ست مابالك بقي بمراتي، شيرين هي التي حلقت شعرها، لتجبرني أني أنهي العلاقة، ولما شوفتها انهرت وأغمي عليا. 

وأضاف: "من يوم ما أطلقنا لحد ما تصالحنا ما كلمتهاش، أطلقنا عشان كنت ضد الناس المحيطة، واتصالحنا ورجعنا كأزواج بس ماكنش حد عارف غير أهلي وأهلها".

واستكمل حديثه قائلٱ: ليه موضوع دخول شيرين المستشفى  ده محصلش غير بعد بيان، أنا مكنتش في حياة شيرين، وليه بعد بيان الصلح مش قبله؟، وبالمناسبة أنا لم اتنازل عن مستحقاتي زي ما اتقال في البيان، أنا تنازلت عن عربيتي بس".