مفيدة شيحة: هذه أكثر مبررات تجعل المرأة تعطي فرصة ثانية للراجل الخائن

خصصت الإعلامية مفيدة شيحة، مقدمة برنامج الستات، المذاع عبر قناة النهار وان، مساء اليوم الاثنين، فقرة عن العلاقات الاجتماعية، حملت عنوان "من يستحق فرصة ثانية؟". 

وخلال الفقرة قالت مفيدة شيحة، إن:"علشان البيت ميتهدش، أو علشان خاطر العيال" دول أكتر جملتين بسببهم الست ممكن تدي فرصة تانية للراجل اللي بيخون ثقتها، طبعًا فيه نوع تاني من الستات بيدي فرصة تانية علشان بيحب بجد". 

مفيدة شيحة: هل الست لما بتدي فرصة تانية بترجع تثق تاني ؟

وأضافت مفيدة شيحة، أن:"السؤال هنا، هل بعد ما الست بتدي فرصة تاني بترجع تثق تاني في الراجل اللي عايش معاها، ولا بتكون بتضحك في على نفسها، وهل علشان أدي فرصة تانية لازم أعمل وقفة وأفرض شروط ولا مكبرش الموضوع علشان ميبقاش فيه صدام وأسامح واعديها". 
 

بتلقح على بيكية.. مفيدة شيحة: أغنية شاكيرا مكسرة الدنيا على السوشيال ميديا لهذه الأسباب

رصدت الإعلامية مفيدة شيحة، مقدمة برنامج الستات، المذاع عبر قناة النهار وان، مساء اليوم الأثنين، أغنية شاكيرا الجديدة. 

وقالت مفيدة شيحة، إن:"أيه اللي لفت نظر الناس في غنوة شاكيرا الجديدة؟، وطرحت المغنية الكولومبية الشهيرة عالميًا شاكيرا غنوتها الجديدة منذ أيام.. وحققت ٥٠ مليون مشاهدة في ٤ أيام تقريبًا". 

وأضافت مفيدة شيحة، أن:"الناس استوقفها أن شاكيرا تحكي عن تجربتها الشخصية وألمها على الملأ، وتعرض جروحها الخاصة في كليب قاسي جدًا، ومؤلم جدًا، والمفارقة أو سخرية القدر اللي خلت فريقه يلبس تيشيرت يروج للغنوة دي تحديدًا نظرًا، لتعاقد سبوتيفاي مع النادي.

مفيدة شيحة: الناس ربطوا بين شاكيرا وشيرين 

وتابعت مفيدة شيحة، أن:"إثارة غضب الناس على بيكيه وهجومهم عليه، باعتباره سبب في ألم شاكيرا، والناس على السوشيال ميديا ربطوا بين شاكيرا وشيرين لأن الغنوة ظهرت أثناء الحديث عن أزمة شيرين الأخيرة، وثم الحديث اتسع ليشمل كل ست مشهورة وما يمكن أن تانية بسبب شهرتها أو أن شهرتها متخليش حد يتوقع أنها ست عادية في النهاية بتحتاج الحب والآمان وممكن أي حاجة تجرحها زي أي واحدة، وأن الشهرة مش بتحميها من ضعفها كإنسانة.

وأكملت مفيدة شيحة، أن:"حتى أزواج المشاهير مبيتوقعوش ان احتياجاتها عادية، وبيتصوروا إنه ا مكتفية بنجاحها عن كل الناس.. حتى الزوج!. 

مفيدة شيحة: هذا الأمر خطر وقاتل صامت للعلاقات الزوجية

كشفت الاعلامية مفيدة شيحة، عن أكثر الأمور التي تقتل اي علاقة، وخاصة العلاقات العاطفية والزوجية، مؤكدة ان العلاقات الزوجية تحتاج لعطاء من كل طرف، وليس طرف واحد فقط يقدم. 

وأضافت مفيدة شيحة، أثناء تقديمها برنامج الستات، المذاع عبر قناة النهار وان، مساء اليوم الاثنين، أن الروتين القاتل الصامت لأي علاقة، والروتين يسبب الملل، ومتابعة أن الست تقاوم وتستحمل سنة وراء أخرى. 

وتابعت مفيدة شيحة، أن الملل خطر كبير في أي علاقة، والحفاظ على العلاقات يحتاج مجهود.