سهير جودة: شهرة المرأة لعنة على قلبها وبيكيه أمه داعية عليه

كشفت الإعلامية سهير جودة عن رأيها في أغنية النجمة شاكيرا وذلك من خلال برنامجها الذي يحمل اسم الستات.

 سهير جودة تعلق على أغنية النجمة شاكيرا

وعلقت الاعلامية سهير جودة، على أغنية النجمة شاكيرا، التي طرحتها مؤخرا، والتي حققت نجاحا كبيرا، قائلة: «شهرة المرأة قد تجعلها الاكثر تعاسه لأن المراة المشهور عادة لايصدقها الرجل 
وتكون مهزومة ومجروحه اكثر من أي امرأة عاديه، ولاشي يعوض كسرة القلب والخذلان».

سهيرة جودة الرجل لا يثق في الست المشهورة

وأضافت سهير جودة في برنامجها الذي يحمل اسم «الستات» والمذاع عبر فضائية «النهار»، قائلة: «الست المشهورة دايما مهزومة دايما عكس ما الناس شيفاها، ودايما الرجل لا يثق في الست المشهورة ومبيصدقهاش، بيفتكر ان عندها كتير، ممكن يبقى في ملايين بيحبوها بس هي قلبها مع حد واحد ودي بتبقى مشكلة الراجل».

سهير جودة تتعاطف مع شاكيرا

وأوضحت سهير: «الست عموما لما بيتكسر قليها يتبقى مأزومة ومهزومة، لكن الست المشهورة بتكون ازمتها وكسرتها اكتر من الست العادية عشان بتكون تحت الانظار، زي ما بنشوف شاكيرا كده في الفيديو، وان هي مش بس قلبها وجعها لأ ده كمان طلع من مكانه وبقى في جواها فراغ وهي بتحاول تحافظ عليه وبتمشي تخبط في اي حد، وحد بيديها كتف، وده دليل ان لو حد بيعلن على الملأ ممكن الناس متتعاطفش معاه».

سهير جودة: بيكيه ده أكيد أمة داعية عليه

وأشارت: « بس الناس في الكليب بتاع شاكيرا اتعاطفوا معاها وكوكب الارض كله اتعاطف معاها والكواكب المجاورة والمشكلة بقى ان بيكيه ده اكيد امه داعية عليه ده، ان الشركة اللي عملت لشاكيرا الاغنية تتعاقد مع فريق برشلونة على صناعة القميص الخاص بهم،  الذي يلعب فيه بيكيه، وسيضطر بيكسه إنه يلبس التيشيرت اللي عليه حرف (S) اول حرف من اسم شاكيرا والذي يرمز لاسم الاغنية اللي هي عملتها على خيانته ليها».