جورج وسوف: بغنى للعاشق والغلبان.. وبتطلع شائعات بتموتني مرتين في الأسبوع

حل سلطان الطرب جورج وسوف، ضيفا فى برنامج "صاحبة السعادة" مع الفنانة والإعلامية إسعاد يونس، المذاع على قناة Dmc.

وتحدث جورج وسوف عن عائلته قائلا: "بيتنا وبيت أمى وأبويا بعيد عن الفن والمغنى، وإخواتى بعاد جدا أيضا، وأنا اللى تركت المنزل وأنا صغير وروحت المغنى

جورج وسفوف: كنت شقي دلوقتي بدلع احلي دلع من الجمهور

وعن فترة شبابه قال جورج وسوف: "والدى كان ينادى باسم أبو على، وكنت شقى، ولكن بخاف من أى حاجة فيها أذى، وكنت بحب الشقاوة واللعب، وربنا ادانى عشان أفرّح أهلى، وأنا دلوقتى بتدلع أحلى دلع من الجمهور وربنا مدينى كل حاجة".

وأعرب جورج وسوف عن سعادته باستقباله عددا من الشباب فى القاهرة بالهتافات ورافعين بعض الصور الخاصة به وعلق قائلًا: “لو الجمهور مستنى عشان يتصور معايا مش معقول أعز عليه صورة”

جورج وسوف: بروح الحفلات عشان أفرح أنا والجمهور

وأضاف جورج وسوف: "أنا بروح الحفلات عشان أفرح أنا والجمهور مع بعض، واستقبالهم ليا بيفرحلى قلبى وبيغذى ليا حياتى الجمهور بيفرحلى قلبى وبيغذيلى حياتي".

جورج وسوف: أنا بغنى للعاشق والغلبان

وتابع جورج وسوف: “أنا بغنى للعاشق والغلبان واللى فاقد حبيبه واللى ابنه مسافر، وبغنى لكل الناس وبغنى بإحساس كأنى مكانه”

جورج وسوف: بقضى يومى زى كل يوم  وبأطّلع على أخبار العالم

وطمأن جمهوره على صحته قائلًا: "أنا الحمد لله كويس وبقضى يومى زى كل يوم، بتفرج على التليفزيون وبأطّلع على أخبار العالم".

وأكد سلطان الطرب جورج وسوف، أنه ترك البيت فى صغره وكان شقيا فى طفولته واختار أن يسير فى طريق الفن والغناء والحفلات، قائلا: "أنا بدأت حياتى وأنا صغير وعايش حياتى من وأنا صغير بدلع الناس وبغنى، وكل كلمة وكل حرف قدمتهم فى أغانى قريب لقلبي".

جورج وسوف: لا اتأثر بالكلام السلبي 

و أستكمل حديثة قائلا: إلى أنه لا يتأثر بالكلام السلبى عنه ولكن الكلام الإيجابى يؤثر فيه، مضيفا: "فى كل اسبوع يطلع شائعات يموتونى مرتين وأنا بتجاهل هذا الكلام".