" طلبني للجواز على طول ".. جيلان علاء تكشف قصة زواجها من الملحن عز شهوان

حلت الفنانة جيلان علاء، ضيفة للمرة الثانية مع زوجها الملحن عز شهوان،  في برنامج " معكم" مع الإعلامية منى الشاذلي،  المذاع على شاشة سي بي سي.

قصة زواج جيلان علاء 

وكشفت  جيلان علاء عن اعتراف زوجها بطلبه للزواج منها بعد حلقتهما  الأولى المذاعةمع الإعلامية منى الشاذلى منذ أقل من عام، قائلة: "وصلنى وقالى عن الزواج بعد ما خلصنا الحلقة معاكى من اقرب من سنة.. وهو داخل يجوز على طول"، ليرد زوجها عز شهوان: "طول الطريق كنت بفكر اقولها بكرة ولا بعد بكرة وانا زى اى راجل ساذج فروحت اعترفت ليها بالزواج".

كشف الفنان عز شهوان، عن بداية قصة حبه مع الفنانة جيلان علاء بعد ظهورهما الأول مع الإعلامية منى الشاذلي في برنامج "معكم"، قائلا: "اللي حصل أحنا وقاعدين في الحلقة حصل كهربا، ويوم ما مشينا من هنا ووصلتها فضلت طول الطريق أقول لنفسي هقولها انهاردة ولا بكره، ولما وصلتها تحت البيت الساعة 1 بالليل قولتلها بحبك وعايزة اتجوز".

سبب رفض جيلان علاء للزواج

بينما أوضحت جيلان علاء عن سبب رفضها الزواج من عز شهوان بعد إعلان حبه لها: "أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب أو بيهزر والموضوع مش هينتهي نهاية سعيدة، عشان عدى 34 سنة وعديت بحاجات مأساوية واللي جالي في الدوغري مصدقتوش ".

وتابعت: "وبعد شهرين رجعنا أصحاب تاني، وهو قالي أني مش عايز أخسرك، وفي يوم بنفطر في مصر الجديدة كأصحاب، قولت له أنا عايزة أقولك حاجة، قالي: إيه؟، قولت له: أنا بحبك".

كواليس حفل الزفاف

أكدت جيلان علاء، أنها كانت هي المسئولة عن تجهيز حفل الزفاف، وأنها تحب تنظيم الحفلات عامة،حيث نظمت حفل خطوبة شقيقتها، وأنها لم تكن تريد أن يكون زفافها تقليديًا.

وأضافت أن زوجها عز الشهوان كان متفقًا معها في الفكرة، وأنها كانت تريد أن تجعل كل حاضرين الحف   في سعادة وراحة، قائلة: “ ”قولت لكل صحابي بلاش كعب عالي وحاجات بتلمع كتير.. كأنكوا جايين خروجة حلوة مش فرح.. الأكل كان آيس كريم وسيخ شاورمة ".