إيمي سلطان توضح الفرق بين الراقصات في مصر والدول الأوروبية

تحدثت الراقصة الاستعراضية إيمي سلطان عن مهنة الرقص، والفرق بين الراقصات في مصر والدول الأوروبية، وذلك خلال حوارها في برنامج حوارات مع عباس الذي يقدمه الفنان عباس أبو الحسن.

وقالت إيمي سلطان: "الستات المصرية بترقص عشان معندهاش نفس حرية الست الأجنبية، والست المصرية مبتصاحبش قبل ما تتجوز ومش بتخرج تسهر بالليل مش موجود في الثقافة بتاعتنا".

إيمي سلطان: في الغرب الناس بترقص لأسباب تانية خالص

وأضافت إيمي: "الست المصرية بترقص مع صاحبتها، ولكن في الغرب الناس بترقص لأسباب تانية خالص ملهاش علاقة بالقضايا اللي عندنا"، عن إدراج مهنة الرقص تحت أي نقابة، علقت: "الرقص ملوش نقابة منفردة، ويندرج مع نقابة المهن التمثيلية".

ومن جانبه، أفادت إيمي سلطان في تصريحات صحفية: "مش محتاجة إني أرد على المنتقدين؛ لإننا بنتكلم في حاجة عبارة عن علم وليها مصادر تاريخية، وموثقة ولا نستطيع الجدال بشأنها، كما أنها مرسومة على جدران معابدنا منذ آلاف السنين، فإحنا مش هنتناقش مع حد هايف ومش دارس ومش فاهم حاجة".

إيمي سلطان: منظومة الرقص مش محتاجة إني أدافع عنها

واستكملت إيمي: "اللي مش عاجبه الفن ده ممكن ميروحش يتفرج عليه ولا يقطع تذكرة عشانه، ولو شافه في التلفزيون ممكن يغير المحطة، ومنظومة الرقص مش محتاجة إني أدافع عنها، عشان واحد مش فاهم ومش عايز يفهم وكمان مش ذوقه".

واختتمت إيمي سلطان: "كنت بحب زمان الكورة ولكن لقيت فريقي بيخسر كل شوية، فبطلت أحب الكورة ولا أشجعها، فبردو اللي مش عايز يتفرج ممكن ما يتفرجش، وكمان ما نسمعلهمش". 

آخر حفلات الفنانة إيمي سلطان

والجدير بالذكر ان الفنانة إيمي سلطان أشعلت أجواء مهرجان "هي الفنون She Arts"، بحفل موسيقي راقص مثير للجدل احتضنه مسرح إيوارت، وقدمت إيمي، أول حفل رقص شرقي داخل قاعة إيوارت التاريخية بالجامعة التي غنت فيها أم كلثوم فيما مضى،  وتعد بذلك أول راقصة تحيي حفل جماهيري رسمي داخل الجامعة الأمريكية في مصر.

نبذة عن إيمي سلطان

إيمي سلطان، هي فنانة استعراضية متخصصة في الرقص الشرقي، درست هندسة الديكور في بريطانيا، وتابعت شغفها بالرقص بداية من دراسة الباليه في مصر، قبل أن تقرر احتراف الرقص الشرقي، وأفتتحت معهد تقسيم أول أكاديمية لتعليم الرقص الشرقي في مصر والعالم العربي، إطلقت مبادرة توثيق الرقص الشرقي في منظمة اليونيسكو العالمية.