بعد تألقه بـ "the voice kids" هاني محروس يطرح كليب "أنا حد جديد" لـ خالد الفايد
يعود المطرب خالد الفايد بأغنية "أنا حد جديد"، وذلك بعد أن لفت أنظار جمهور "the voice kids"، وتألق في جديده وحقق نجاحًا ملحوظًا وتفاعلًا من جمهوره ومتابعيه عبر مواقع التواصل الاجتماعي.
هاني محروس يطرح أولى أغنيات نجم ذا فويس كيدز خالد الفايد
طرح المنتج هاني محروس، أولى أغنيات نجم "ذا فويس كيدز"، النجم خالد الفايد، تحت اسم "أنا حد جديد" وذلك بعد نضوجه الفني والعمري، عبر القنوات الفضائية ويوتيوب وأشهر منصات الأغانى.
طاقم عمل أغنية “أنا حد جديد” لنجم ذا فويس كيدز خالد الفايد
"أنا حد جديد" من كلمات مني عبد العزيز، وألحان احمد مصطفي، وتوزيع شريف قاسم، جيتار مصطفي أصلان، وكمنجة مصطفي العطار، وتم تصوير الأغنية علي طريقة الفيديو كليب الذي صوره كريم الهاشمي وصور البوستر حسين باشا، ورؤية فنية هاني محروس وإنتاج nj music.
معلومات حول الكليب الذي أنتجه هاني محروس ومدة استمرت عام ونصف
ويأتي الكليب ضمن ألبوم يضم ٨ أغنيات تم العمل عليهم مع المنتج هاني محروس علي مدار اكثر من عام ونصف مع مجموعة من أبرز الشعراء والملحنين والموزعين.
نجاح النجم الشاب خالد الفايد في خطف أنظار الجميع له بصوته القوي
جدير بالذكر أن، خالد الفايد، كان قد أثار ضجة كبرى عند ظهوره في مرحلة "الصوت وبس" بالموسم الأخير من برنامج "ذا فويس كيدز" إذ خطف أنظار الجميع بصوته القوي وإطلالته بالجلباب البلدي المصري، وتوقع الجميع صعوده للحلقة الأخيرة من التصفيات.
كلمات أغنية “أنا حد جديد” للنجم الشاب خالد الفايد
كارت ومحروق
خوفك واللهفة اللي في عينك
ابعد بالذوق
ضاع كل اللي مابيني وبينك
عذرك مرفوض مش هبقي عليك
مين ده المجنون
اللي يصدق كدبك تاني
ومكان ماتكون
عمره ما هيكون هو مكاني
قدام الناس مش هغلط فيك
عداني العيب ولغاية كده وكفاية خلاص
من يوم ماعرفتك وأنا بخسر ومفيش انجاز
من الليلة هفكر من الأول من غير احساس
كل اللي نصحني أني اكمل أنا بدعي عليه
أنا بسأل نفسي ازاي بقبل وضعي اللي أنا فيه
واخيرًا فوقت وفات وقت أني اقولك ليه
أنا حد جديد
يعني أنت بقيت فعلًا ماضي
خد وقت وعيد
حساباتك وأنت اكيد عادي
هتكون مرتاح يمكن خير ليك
ما أنا كنت زمان
بسكت وفي حبك بتنازل
مين الغلطان
وكفاية أنا قلبي كتير شايل
واهو كل ده راح هقدر اعديه
عداني العيب ولغاية كده وكفاية خلاص
من يوم ماعرفتك وأنا بخسر ومفيش انجاز
من الليلة هفكر من الأول من غير احساس
كل اللي نصحني أني اكمل أنا بدعي عليه
أنا بسأل نفسي ازاي بقبل وضعي اللي أنا فيه
واخيرًا فوقت وفات وقت أني اقولك ليه
هقولك ليه
