أنغام لـ بهاء سلطان: "أنا بقول لكل الناس إني بحبك جدًا أنا من جمهورك"

حل المطرب بهاء سلطان ضيفًا ببرنامج أنغام الذي يعرض على شبكة قنوات dmc، حيث يعرض في تمام الساعة الـ 9 مساءً.

أنا من جمهورك..هكذا استقبلت أنغام بهاء سلطان بالبرنامج

في بداية الحلقة عبرت أنغام عن حبها لصوت بهاء قائلة: "أنا من جمهورك ومن الأصوات المفضلة لى دون مجاملة بسمعك وبعيد الغنا عشان حلاوة المغنى"، ليرد بهاء: "لى الشرف، ده كتير عليا"

كما استكملت حديثا وعبرت عن اندهاشها بأن بداية بهاء سلطان كانت من خلال الكورال قائلة: "استغربت إنك غنيت كورال فى بداياتك، لأن صوتك صوليست، ولما بيختاروا أصوات كورال مش بيختاروا صوت يطغى على صوت المطرب".

بهاء سلطان يكشف سبب تواجده بالغناء

كشف بهاء سلطان عن سبب دخوله مجال الغناء معلقًا: "أخت الفنان حسام حسنى كانت زميلتنا فى الكلية، فى مرة قالت لى مش عايز تغنى، كان أخوها عامل فريق كورال، رحت قعدت معاه، واختارنى، وابتدينا نسجل حاجات فى الاستوديو". وتابع: "مصطفى كامل سمع صوتى خد موعد من نصر محروس، والحكاية مشيت من هنا".

آخر أعمال بهاء سلطان الغنائية

كانت أغنية قلب أسود هى آخر أغاني بهاء سلطان وهى من كلمات أيمن بهجت قمر، ومن ألحان وليد سعد، ومن توزيع جلال حمداوي.

كلمات أغنية قلب أسود لبهاء سلطان

ما سمعتش انا عن بني ادم ابدا بيعض
و ايدي اهي اللي اتمدت له
عملها اكتر من مره بسهوله تخض
وماشي يقول ان انا قاتله

ابو قلب اسود فحمه
هيجيب منين الرحمه
هعتبره كان دوشه وزيطه في وسط زحمه

ابو قلب اسود فحمه
هيجيب منين الرحمه
هعتبره كان دوشه وزيطه في وسط زحمه
والله دي بلاد تتفات له
دي بلاد تتفات له
ابو قلب اسود فحمه
هيجيب منين الرحمه
هعتبره كان دوشه وزيطه في وسط زحمه
والله دي بلاد تتفات له
دي بلاد تتفات له

بدل ما راسه يوطيها يحطها ف الارض
بيبص لي بكل بجاحه
ناقص له كاميرا انا بتفرج يظهر على عرض
تمثيله فاشل بصراحه