محمد الشرنوبي: 'الجمهور مبسوط من الممر..وفخور أني جزء منه'

تحدث محمد الشرنوبي خلال حلقته مع منى الشاذلي عن فيلم الممر وأنه سعيد بردود أفعال الجمهور عليه كما وصفت منى الشاذلي أغنية فيلم الممر الذي قام بغنائها شرنوبي بأنها ستظل قائمة مهما مر عليها الزمان نتيجة لتأثر الجمهور بها.

محمد الشرنوبي عن فيلم الممر: الجمهور في السينما كان بيصقف ب 6 و7 مرات عند النصر

وضح شرنوبي أنه سعيد بتجربة فيلم الممر حيث قال: "كنت بستنى الفيلم في السينمات، عشان اشوف الجمهور، ودخلت لاقيتهم بيسقفوا ٦ أو ٧ مرات لما بيحصل انتصارات والناس كانت بتسقف ومبسوطة من قلبها، وفي حالة معنوية في السينما وفخور إني كنت جزء من الفيلم".

الحلقة تعرض كليب أغنية فيلم الممر كاملة ولقطات من تعليمات الموسيقار عمر خيرت

وتطرقت الحلقة لعرض كليب أغنية فيلم الممر وعرض لقطات من الفيلم وتعليمات الموسيقار الكبير عمر خيرت وغناء شرنوبي من الاستوديو.

كلمات أغنية فيلم الممر لشرنوبي

لسه جاي من وسط العتمة ضي
يفرد جناح النور ويوهبلك حياه
تفتح عيونك ع الأمل وتشوف مداه
وساعتها بس هتعرف انك لسه حي
ولسه عندك حلم وهتفضل وراه
الممر ممر يخرج بيك من الليل للنهار
تبدأ طريقك حتى لو مشوار طويل
مين اللي قال انك معندكش اختيار
طول ما انت فيك الحيل هتقدر ع الطريق
هتقدر ع الطريق
لسه جاي من وسط العتمة ضي
يفرد جناح النور ويوهبلك حياه
تفتح عيونك ع الأمل وتشوف مداه
وساعتها بس هتعرف انك لسه حي
ولسه عندك حلم وهتفضل وراه

أحداث فيلم الممر

الفيلم يروي بعض عمليات الجيش المصري خلال حرب الاستنزاف عقب هزيمة يونيو من العام 1967، وأثار إعجاب المصريين، وجعلهم يتسمرون أمام شاشات التلفزيون في المنازل والمقاهي والشوارع لمشاهدة الفيلم، والتفاعل مع أحداثه، وسط مزيج من مشاعر الفرحة والحزن والبكاء والضحك والخوف والقلق، ثم الهتاف في النهاية فرحا بالانتصار، وهو من اخراج شريف عرفة بمشاركة باقي الابطال الفنان أحمد رزق وهند صبرى ومحمد الشرنوبى ومحمد فراج وهو من تأليف أمير طعيمة وانتاج هشام عبدالخالق.