" أنا وحسام كان معمولنا حاجة وبتعالج من ولادة بناتي".. أبرز تصريحات شيرين عبدالوهاب في " الحكاية"
فجرت الفنانة شيرين عبدالوهاب، مفاجئة كبيرة لجمهورها، بعد مداخلتها الهاتفية أمس مع الإعلامي عمرو أديب في برنامج " الحكاية " المذاع على شاشة إم بي سي مصر، وهي عودتها للفنان حسام حبيب، حيث انفرد "أديب" بنشر صور كتب كتابهما واعتذرت شيرين لجمهورها وزوجها على الهواء.
كما كشفت شيرين عبدالوهاب تصريحات جديدة حول أزمتها مع زوجها حسام حبيب، لذلك تستعرض " الفجر " أبرز تصريحاتها في برنامج " الحكاية ".
شيرين عبدالوهاب تكشف حقيقة يومها داخل مستشفى الأمراض النفسية
تحسنت حالة شيرين عبدالوهاب عند دخولها المستشفى وتعافيها من الإدمان، وأن قرار المستشفى بخروجها جاء بعد توقيع الكشف الطبي عليها والتأكد من سلامتها، وفي تصريحات خاصة لبرنامج " الحكاية " مع عمرو أديب قالت: "كنت قاعدة في مكان أمين جدا في المستشفى، واتاخدت على خوانة، بشكر محمد عبد الوهاب إنه عرفني بالناس المحترمين دول وانهم كانو خايفيين عليا، وكنت بصحى بدري وحياتي بقت جميلة جدًا ولذيذة”.
شيرين عبدالوهاب تتنازل عن القضايا المرفوعة ضد شقيقها
وتابعت: “بشكر صحافة بلدي، وهتنازل عن أي حاجة أنا كنت عملاها لـ محمد عبد الوهاب لأني مقدرش أعمل كدة، أنا شيرين اللي قلبها متسامح وهيفضل قلبي متسامح، وأنا مسامحة كل الناس ومقدرش على زعل أمي وعياطها، وبتنازل عن أي حاجة حصلت معايا والحمدلله، كان ممكن يحصلي حاجة مش كويسة أكتر من كدة، وأنا مش حزينة باللي حصل"
كتب كتاب شيرين عبدالوهاب وحسام حبيب
فاجئت شيرين عبد الوهاب جمهورها على الهواء خلال مداخلتها مع عمرو أديب، قائلة: "أنا تم كتب كتابي على حسام حبيب، وبعتذر لحسام عن كل الكلام اللي أنا قولته في حقه، أنا بحبه وهو حب حياتي، وكتب الكتاب تم في حضور الأهل والمقربين وهنزل أنا وهو ناكل فول وطعمية مع بعض في الشارع."
وردت على سؤال عمرو أديب عبر برنامجه “مين صاحب فكرة العودة”، لتجيب شيرين: "حسام صاحب الفكرة وهو إللي اقنعني واتكلمنا والحمدلله رجعنا".
وأوضحت: "إحنا كنا في موال كبير وكان معملونا حاجة أنا وحسام وقصة كبيرة كنا فيها وكان مفروض نكتب الكتاب يوم السبت إللي فات".
سبب خلافات شيرين عبدالوهاب وحسام حبيب
وتعليقًا على خلافاتها السابقة مع حسام حبيب قبل كتب الكتاب، قالت شيرين عبدالوهاب: "سيدنا محمد الناس اختلفوا عليه، لما نشوف حكايته وناخده قدوة لينا، وأنا لسه بحب حسام حبيب دا هو حب حياتي".
وتابعت: "أنا في أمان لأني وسطكم، وأنتم ضهر ليا، وبأكد إن عائلته ناس طيبين وكويسين".
تصريحات نضال الأحمدية حول أزمة شيرين عبدالوهاب
كما علقت شيرين عبدالوهاب على تصريحات الإعلامية نضال الأحمدية، قائلة: "مكنتش عارفة حاجة، انبسطت أوي وساعدتنا وبعتت ورد على البيت لما عرفت إننا رجعنا لبعض، وبشكر محمد أخويا على أنه عرفني بالمستشفى دي، وبتنازل على أي قضية ضد أخويا محمد عشان أنا بسامح".
حقيقة خضاع شيرين عبدالوهاب للعلاج النفسي لفترة طويلة
وأضافت: "أنا لسه بخضع للعلاج النفسي منذ ولادتي لابنتي هنا ومريم مش من فترة قريبة، أنا زي بنت بتدور على بيت، وسامحوني أنا أمور بيتي مش هتطلع تاني من بيتي "، وقاطعها عمرو أديب: "اتخانقوا في البيت بعد كدة"، لتعود قائلة: "حضرتك هتيجي في البيت، وبشكر كل الناس وتناموا مبسوطين ومرتاحين".
