بعد عودتها لـ حسام حبيب.. رضوى الشربيني لـ شيرين: "كفاية عك بقى وخدي بالك من كلامك"

تحدثت الإعلامية رضوى الشربيني عن عودة الفنانة شيرين عبد الوهاب لطليقها الفنان حسام حبيب، وذلك خلال برنامجها "هي وبس"، الذي يتم عرضة على قناة “CBC سفرة”.

وقالت رضور الشربيني: "إزاي تقولوا على شيرين عبد الوهاب معندهاش كرامة"، كما دافعت عن حسام حبيب متسائلة: “حد يقولي غلط في ايه".

وتابعت: "شقيق شيرين هو اللي قال تصريحات مش كويسة في حق شقيقته وكان في حد من مصلحته أن تكون نفسية شيرين مش كويسة".

رضوى الشربيني لـ شيرين: إحنا مالنا مترجعلوا لبعض 

وعن عودة شيرين لحسام حبيب، قالت رضوى الشربيني: "إحنا مالنا ما ترجعلوا لبعض اللي بيشيل قربة مخرومة بتخر على دماغه إحنا أيه مشكلتنا أن شيرين وحسام يسيبوا أو يرجعوا لبعض.. تاريخ حسام حبيب ومداخلاته الهاتفية لم يقول كلمة سيئة في حق شيرين".

رضوى الشربيني لـ شيرين: أي واحدة مش قريبة منك هتقول أنك ست بلا كرامة

وحرصت رضوى الشربيني علي توجيه رسالة مؤثرة لشيرين عبد الوهاب قائلة: "انتي إنسان غير عادي وعشان كدا حصل الضجة الكبيرة دي وكلامك قدوة لستات كتير وأى واحدة مش قريبة منك هتقول أنك ست بلا كرامة بعد هجومك من قبل بشكل عنيف على حسام حبيب".

رضوى الشربيني لـ شيرين: كفاية عك بقى.. وخدي بالك من كلامك

وأضافت: "أحنا بندعمك بس خلي مشاكل بيتك جوة بيتك وكفاية عك بقى وخلوا الناس تنسى العك دا وانتي قدوة ومشهورة ولما اكلمتي قبل كدا عن العوانس أنا زعلت لأنك قدوة وصوت مصري نفتخر به وليكي جمهور كبير بيحبك وفي ضهرك وبطلب منك بشكل شخصي تاخدي بالك من كلامك". 

عودة شيرين عبد الوهاب لحسام حبيب 

يذكر أن شيرين عبد الوهاب أكدت يوم الجمعة الماضية عن عودتها للفنان حسام حبيب وعقد قرانها وذلك خلال مداخلة هاتفية لها مع الإعلامي عمرو أديب في برنامج "الحكاية" الذي يتم عرضة علي قناة MBC مصر، وأنها تعد جمهورها بأنها في أمان، ولن تتحدث مرة أخرى فيما يخص أمور بيتها، مشيرة إلى ان الإعلامية نضال الأحمدية أرسلت له هي وحسام باقة ورد".

شيرين: بعتذر لحسام عن كلام صدر مني في يوم من الأيام

وقالت شيرين عبد الوهاب: "تم كتب كتابي على حسام جبيب امبارح الساعة 9 بليل بحضور أقرب الناس لينا، أخواتنا وبطمن الناس عليّ وعايزة استغل الفرصة دي واقول اني بعتذر لحسام عن كلام صدر مني في يوم من الأيام".

شيرين عبد الوهاب: غلطت لما طلعت اتكلمت بصوت عالي

وأستكملت حديثها قائلة: كنت السبب أن الحياة دي اتفتحت على الناس والناس دي انشغلت بيا ضمن مشاكلهم، فأنا في عصمة رجل طيب جدا ولو كنت قولت كلام عنه فهو كان مزعلني فدا شيطان بيحصل بين المتزوجين، واحنا كان معمول لنا حاجة كبيرة أوي واتفكت الحمدلله، أنا اصغر من الكلام عن الأعمال لكنها ذكرت في القرآن واحنا مش معصومين من الغلط،أنا غلطت لما طلعت اتكلمت بصوت عالي، أنا شيرين اللي طلعت واتكلمت والحقيقة كل حاجة كانت في العلن زعلي كان في العلن وحبي كان في العلن وكله كان في العلن.