وسط لحظات بكاء.. ابن حمزة نمرة يفاجئه بهدية غريبة في عيد ميلاده

شارك الفنان حمزة نمرة، جمهوره ومتابعية عبر حسابه الشخصي على إنستجرام، بصور من احتفاله بعيد ميلاده الثاني والأربعين.

وكتب في التعليق: "عيد ميلادي، ابني جايبلي بادچ غالبًا عشان لو توهت ولا حاجة. يوم جميل وبكده بقى عندي اتنين وأربــ...لحظة أبكي".

أحدث أعمال حمزة نمرة 

من جهة أخرى، يستعد الفنان حمزة نمرة لطرح ألبوم جديد خلال الفترة المقبلة، نشر نمرة صورة له من داخل الأستوديو برفقة الملحن أندريه مينا والشاعر الغنائي محمود فاروق عبر حسابه على موقع التواصل الاجتماعي Instagram، وعلق قائلا: "أول ورشة كتابة وتلحين للألبوم الجديد".

وأعلن حمزة نمرة مؤخرا عن أحدث مشاريعه الموسيقية تحت اسم "نمرة لاونج"، قائلا في تصريحات لراديو "إنرجي": الفكرة الجديدة تحمل اسم (نمرة لاونج)، وتدور حول اختيار 8 أغنيات من ألبوماتي مثل فاضي شوية وداري يا قلبي، وإعادة تقديمها دون غناء بواسطة تخت شرقي".

آخر أعمال حمزة نمرة 

والجدير بالذكر ان حمزة نمرة، أحيا أولى حفلاته الغنائية في مصر بعد غياب 8 سنوات، بمشاركة الرابر زاب ثروت، وعبد الرحمن رشدي، وأقيم الحفل على مسرح الأرينا بمركز المنارة، 27 أكتوبر الماضي.

وكانت هذه الحفلة هي آخر حفلات النجم حمزة نمرة احتفالا بألبومه الأخير "مولود سنة 80"، الذي يتضمن 12 أغنية، طرح منها 5 أغنيات حتى الآن هي: "مولود سنة 80، الوقعة الأخيرة، استعيذوا، الساعة 6 صباحًا، فاضي شوية"، وجميع الأغاني من ألحان حمزة نمرة، وتوزيع كريم عبد الوهاب، ونجح حمزة في تحقيق نجاح كبير، وتصدر جميع محركات البحث بأعماله الناجحة.

وحققت أغنية حمزة نمرة الأخيرة "فاضي شوية" 236 مليون مشاهدة، على موقع الفيديوهات يوتيوب، والأغنية من كلمات خليل عز الدين، وتوزيع كريم عبد الوهاب جيتار مصطفى أصلان.

كلمات أغنية "فاضي شوية"

اه يا سلام سيبنا الوقت يعدي اوام
محسبناش اللحظة الجاية
دة اسمه كلام عيشنا العمر نربي حمام
بس نسينا نقوم غية
ومايهمكش عادي اسمع مني الساعة دي
مش وقت عتاب أو لوم
اه فيها ايه لو نرجع تاني
وبدل ما تكون وحداني تسندني معاك ونقوم
فاضي شوية نشرب قهوة فى حتة بعيدة
اعزمني على نكتة جديدة وخلي حساب الضحك عليا
دا احنا يا دوب مالحقناش نقرا المكتوب
علشان نلقى هموم وقسية
دا اسمه كلام
عيشنا العمر نربي حمام بس نسينا نقوم غية
عارفك مشغول ليام دي
ما انا زيك بس عندي حكايات صعب اخبيها
واكمنك داري بحالي مذاكرني وعارف مالي
مستني عشان احكيها
فاضي شوية نشرب قهوة فى حتة بعيدة
اعزمني على نكتة جديدة وخلي حساب الضحك عليا
موج الدنيا اناني وعالي وانت لوحدك وانا لسه لي
عم هعيشه معاك لو يوم
ماشي براحتك بس راهنى
على يوم منك وسنين منى انك مابتعرفش تعوم
ومايهمكش عادي اسمع مني الساعة دي
مش وقت عتاب أو لوم
اه فيها ايه لو نرجع تاني وبدل ما تكون وحداني
تسندني معاك ونقوم
فاضي شوية نشرب قهوة فى حتة بعيدة
اعزمني على نكتة جديدة وخلي حساب الضحك عليا
فاضي شوية دا انا واحشاني القعدة معاك
وان مقدرتش تيجي هناك هستناك المرة الجاية