"قوم يلا، قومي يلا"... تامر حسني يشجع جمهوره ببوست تحفيزي
نشر نجم الجيل تامر حسني، عبر صفحته الرسمية بموقع "فيسبوك" بوست تحفيزي لجمهوره أملا في تشجيع محبيه.
وقال: "( احنا فيها ) حبايب قلبي جمله سمعتها النهارده والمفروض بنسمعها في حياتنا اليوميه كتير بس اول مره اركز فيها بالشكل دا جملة (ما إحنا فيها ) جمله خطيره جدًا جميله جدًا فيها امل رهيب معناها ان الوقت ما فاتش واحنا لسه في الدنيا مادام انت لسه فيها يبقى الوقت ما فاتش ولا حاجه وعمر النجاح مكان بالسن ياما ناس عباقره نجحت متأخر وبقوا من اشهر واغنى الناس في العالم …
و تابع نجم الجيل قائلًا: "ارجوكوا ركزوا في القصه الحقيقيه دي كان في طفل عنده ٥ سنوات ومن الفقر وبعد وفاة والده اضطرت امه الفقيره تنزل تشتغل في اي شغل يقابلها عشانه وعشان ولادها الاصغر ولما كبر الطفل دا شويه من سن ٧ سنين بدأ يهتم بإخواته الصغيرين ويعملهم الاكل عشان امه في الشغل، طبعًا طفل بيطبخ دي حاجه غريبه ولها مشاقة وحرمان من الطفوله وتحمل مسؤليه بدري أو ي واكبر من عمره لإنه بقى يقوم بدور الام والاب في منزل به اطفال اصغر منه يرعاهم هو بمفرده تخيلوا الطفل ده فضل يطبخ ويشتغل شغلانات بسيطه جنب امه لحد ما بقى عنده ٦٢ سنه ومحققش اي شيء بس عمل بتحويشة عمره بنزينه صغيره وفيها جزء صغير زي عربية اكل ومن كتر اعجاب الناس بالاكل اللي بيقدمه وطبعًا عشان هو اللي بيطبخه بخبرته الرهيبه.
و أضاف قائلًا: نجح نجاح اسطوري وتحولت البنزينه وعربية الاكل إلى اكبر سلسله مطاعم في الكره الارضيه (( كنتاكي )) واسمه الكولونيل ساندرزد.. قوم يلا.. قومي يلا. (إحنا فيها)".
آخر أعمال تامر حسني السينمائية
الجدير بالذكر أن آخر أعمال الفنان تامر حسني هي فيلم "بحبك".
فيلم "بحبك "يشهد أول تجارب تامر حسنى الإخراجية فى السينما، وهو من تأليفه وبطولته، ويشارك فى بطولته كل من: هنا الزاهد وحمدى الميرغنى ومدحت تيخة وهدى المفتى، أحمد عزمى، وتميم عبده وسمر محمد متولى، وعمرو صحصاح وعاليا راشد، شهد الشاطر، وآخرون، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
