أول تعليق من صبري فواز عقب انتشار صور المصلين على ريد كاربت "القاهرة السينمائي"
علق الفنان صبري فواز، علي الصور المنتشرة للمصلين في ساحه القاهرة السينمائي وذلك عبر حسابه الشخصي على موقع" فيسبوك ".
منشور صبري فواز
وكتب فواز: "الموضوع بمنتهى البساطة إن فيه جامع في الأوبرا جنب المكان اللي معمول فيه السجادة الحمراء، وزي أي جامع في مصر يوم الجمعة، إن لما المصلين يبقوا كتير، بيحصل إن ناس بتصلي قدام الجامع، وده اللي حصل بالظبط.
فواز عن انتقاد البعض للصلاة في "القاهرة السينمائي": "ايه الهري ده؟!”
وتابع: "عادي جدا إيه بقى لازمة الهري الفارغ اللي عمالين نهري فيه ده، إحنا عيانيين ياعم الحج".
صبري فواز يتألق
وتألق الفنان صبري فواز اليوم بافتتاح مهرجان الفاهرة السينمائي الدولي في دورته الـ٤٤، حيث ظهر مرتديًا بدلة سوداء وبيبون.
ولفت فواز، الأنظار من خلال مظهره الرائع الذي يتناسب مع شخصيته ويتناسب مع كونه على السجاده الحمراء بافتتاح مهرجان القاهرة السينمائي الدولي.
ووضع الفنان حسين فهمي "دريس كود" للفنانيين في مهرجان القاهرة السينمائي الدولي المقرر إقامته في الفترة من 13 إلى 22 نوفمبر المقبل، قائلًا: "لما جيت المهرجان لقيت أن كل واحد بيلبس اللي هو عايزه، أنا لما حد بيجيلي البيت مش هستقبله بالبيجامة، هلبس كويس والستات تلبس لطيف".
دريس كود مهرجان القاهرة السينمائي
وتابع حسين فهمي قائلًا: "للأسف الشديد الأمر تطور لأكثر مما كنت متخيل، وبقى (وريني يا حبيبتي الفستان طيب لفي كده مين اللي عامل التسريحة واسمه أيه الكوافير؟)، مش ده المهرجان، لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكنج على كتفه، ده عادي واللبس اللي إحنا بنتفق عليه دوليا، نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا".
اللمسات الأخيرة لمهرجان القاهرة السينمائي
وتفقدت الدكتورة نيفين الكيلاني، وزيرة الثقافة، والفنان حسين فهمي، رئيس مهرجان القاهرة السينمائي الدولي اللمسات النهائية، للتجهيزات والترتيبات، والوقوف على حالة التجهيزات الخاصة بالسجادة الحمراء، المُخصصة لاستقبال ضيوف المهرجان، وحالة الجاهزية لمسارح الأوبرا المتعددة المستضيفة للمهرجان، وكذلك كافة الترتيبات الخاصة بتوفير سبل الراحة للضيوف.
