عمري ما قابلت راجل قدر يحتويني.. أبرز تصريحات ياسمين الخطيب في برنامج أنا سعيد

حلت الفنانة والإعلامية ياسمين الخطيب، ضيفة على برنامج أنا سعيد مع  الإعلامي سعيد جميل، المذاع عبر شاشة القاهرة والناس، حيث كشفت خلال لقائها العديد من الأسرار حول حياتها الشخصية.

وكشفت الإعلامية ياسمين الخطيب عدد زيجاتها، قائلة: "تزوجت 4 مرات ودي حاجات مش بتستخبى"، إضافت:  "أنا عمري ما قابلت راجل مخه كبير ويقدر يحتويني ويفهمني وأنا هقف جنب جوزي لو محتاج فلوس وممكن أفضل معاه لحد ما أبيع كليتي وأضحي بفلوسي كلها ليه".

وإجابت ياسمين الخطيب عن سؤال ماذا ستفعل حال قيام صديقتها بعمل "love" على تعليقات زوجها على الفيسبوك: "هعلي عليهم وأعملها أنا كمان love أو أجيبها من شعرها وأقولها بتعملي كدا ليه وهحس أن فيه حاجة مش تمام"، تابعت: "لو جوزي خاني وعاد معتذرًا مش هرجعله، ومش بسامح في الخيانة ولو راجل متجوز حبني ومش سعيد في حياته هديله فرصة إنه هو يطلق مراته".

أبرز تصريحات ياسمين الخطيب في برنامج أنا سعيد

ويستعرض الفجر الفني لكم في السطور التالية أبرز تصريحات ياسمين الخطيب، في برنامج أنا سعيد.

قالت ياسمين الخطيب: عمري ما أدخل في علاقة مع حد مرتبط.. أنا زي الفريك محبش شريك.. فتى أحلامي لازم يكون راجل وواثق في نفسه.. أنا عمري ما قابلت راجل مخه كبير ويقدر يحتويني ويفهمني.. الست أما بتلبس فستان حلو وتحط روج وتخرج بتبقى سعيدة.. لو واحدة بتحاول تشقط جوزي من على فيسبوك هجبها من شعرها.

وأضافت الخطيب: أي حد أنا سيبته وكنت مش سعيدة معاه.. أي حد هيجي بعده بعتبره سيد سيده.. لو جوزي خاني وعاد معتذرًا مش هرجعله، ومش بسامح في الخيانة.. لو واحد متجوز وبيحبني ومش سعيد في حياته هديله فرصة إنه هو يطلق مراته.. هقف جنب جوزي لو محتاج فلوس.. وممكن أفضل معاه لحد ما أبيع كليتي وأضحي بفلوسي كلها ليه.. الرجالة دايما بتحلى في عنين مرات صحبه وخطيبة صحبه وبيكون مستكترها عليه.. كل الرجالة معندهمش مشاعر.

نبذة عن برنامج أنا سعيد

ويضم برنامج أنا سعيد فقرات تستعرض موضوعات شيقة وجذابة تتنوع بين فقرات تهم الأسرة كافة، وفقرات مُخصصة للرجل بأفكاره ومتطلباته ما بين حقوقه في المجتمع وطريقة اختيار ملابسه، وفقرات موجهة للمرأة تعطيها خلاصة خبرات ضيوف البرنامج في طريقة التعامل مع الزوج والأبناء، والاعتناء بنفسها والاهتمام بتفاصيل حياتها وطريقة تعاملها مع من حولها، وفقرات مُوجهة للأسرة تعطيهم خيارات عديدة للاستمتاع بوقتهم، وكيفية استغلال طاقتهم في أن يكونوا سُعداء، وفقرات مثيرة للجدل وفقرات مرتبطة بالأحداث العامة، وهو من تقديم الإعلامي سعيد جميل.

طلاق ياسمين الخطيب

والجدير بالذكر ان ياسمين الخطيب أعلنت طلاقها من المنتج رمضان حسني الصيف الماضي، وذلك خلال حوارها مع الإعلامي تامر أمين على قناة النهار، قالت إن والدتها لم تشترط أي مطالب مادية قبل تزويجها، موضحة: "والدي كان حاطط مبدأ أن الشخص اللي بنتي مش مرتاحة معاه، ندفع له فلوس ونطلقها، فمبدأ المؤخر كان مرفوض، مكنش في مؤخر".