هنادي مهنا تكشف كواليس تقديمها ونجاحها في "ذا فويس فرنسا"

قالت الفنانة هنادي مهنا، إنها كانت تتمنى في المرحلة الأولى من مسابقة "ذا فويس فرنسا "أن تغنى باللغة الإنجليزية لأنها كانت اللغة الأساسية لها في المدرسة، وقدمت ذا فويس بفرنسا ونجحت ووصلت لـ 500.

هنادي مهنا تكشف تفاصيل حول دراستها

أضافت خلال حوارها مع الإعلامى عمرو خليل عبر برنامجه "من مصر" المذاع على قناة "CBC"، "بعدها الدنيا اخدتني اكتر ورجعت مصر وكنت فى الأكاديمية مع والدي، وبحب التدريس للأطفال، مضيفة:"عندى ذكريات كتيرة مع اللي درست فى الأكاديمية لهم وحاليا في كلية طب وبفرح قوي بيهم".

تابعت الفنانة: "أول عمل شاركت فيه فى مسلسل أفراح إبليس، وكلمنى المخرج وتواصل معايا، ومحدش يعرف انا بنت مين ومكنتش عاوز استخدمها فى أى حاجة.. وجربت وكان الكلام بالصعيدى، ومش نزل وبقالى سنة كنت بمثل ومفيش حاجة تنزل".

هنادي مهنا تتحدث عن مسلسل “أفراح إبليس”

استكملت: "ولما نزل المسلسل في رمضان 2018 سافرت برا وزعلت، ورمضان 2019 كان أكثر سنة جالي فيها عروض كتيرة فيه.. وشاركت فى 3 مسلسلات فى نفس الوقت وكان وشاركت فى مسلسل حكايتي وزلزال وبركة، وكنت باخد البطانية معايا العربية عشان كنت بنام فيها لأن كنت بتنقل من تصوير مسلسل لمسلسل، وكانت سنة حلوة أوي".

عن دورها فى مسلسلها "مكتوب عليا" مع الفنان أكرم حسني، قالت هنادي مهنا: " أكرم كفنان بحبه جدا وبحب اغانية جدا وعلى المستوى الانسانى مجتهد جدًا ومبسوطة ان انا اتعرفت عليه.. وشخصية الكوميديا فى المسلسل كانت صعبة عليا لكن الحمد لله ربنا كرمنى بالدور".