أول تعليق من شريف منير بعد مشاركته في مؤتمر المنصورة الجديدة

علق الفنان شريف منير، على مشاركته في مؤتمر افتتاح المرحلة الأولى لمشروعات مدينة المنصورة الجديدة، بحضور الرئيس عبد الفتاح السيسي، والذي أقيم اليوم الخميس.

وشارك شريف منير عبر حسابه الشخصي بموقع انستجرام، مقطع فيديو من كلمته في المؤتمر،، وعلق قائلًا: كان شرف عظيم ليا.. تحيا مصر.

كلمة شريف منير خلال المؤتمر

ومن جانبه، قال شريف منير خلال حضوره المؤتمر: الفيلم التسجيلي اللي اتذاع اتقال بصوتي والإنجازات دائما واضحة مش هنتكلم تاني عن الإنجازات اللي مالية مصر كلها.. حاجات اتعملت في لمح البصر.. ياريس أنا  كل يوم بقوم بلاقي بلدنا متغيرة أروح مشوار وأرجع ألاقي الدنيا متغيرة والله.

شريف منير يستعيد ذكرياته بالمقطم

وأضاف شريف منير: أنا من سكان حي المقطم، المقطم بقى حاجة تانية مابقاش حي أصبح مدينة في منتهي الروعة، أحكي ليكم نبذة عن حياتي وعلاقتي بمدينة المنصورة،أنا اتولدت في المنصورة وحبيت الفن في المنصورة بلد عظيمة وناسها حلوين.

واستكمل شريف منير: روحت مركز ثقافة مدرسة المشاغبين مسرحية اتفرجت عليها قبل ما شوفها في التلفزيون أو على المسرح.. ابن خالتي خدني نروح نتفرج على العروض ونستمتع بها، الآلة اللي بحبها واللي احترفتها في وقت من الأوقات حبيتها من المنصورة.

واختتم شريف منير: كان أبناء المنصورة بيعملوا فرق أغاني إنجليزي وفرنساوي، بلد جميلة وعظيمة جيت هنا سنتين ونص علشان أعمل إعلان شفته عن المنصورة الجديدة، مكنش في الكلام ده أنا معرفش الكلام ده حصل إمتى بجد شيء مبهر.

مدينة المنصورة الجديدة

والجدير بالذكر ان مدينة المنصورة الجديدة تتوسط محافظات الدقهلية وكفر الشيخ ودمياط، وتأتى في إطار مجموعة المدن الذكية الجديدة التي شرعت الدولة فى تشييدها على امتداد رقعة الجمهورية، وتعتبر أحد شرايين التنمية فى ساحل مصر الشمالى، حيث تحتوي علي جميع المرافق والخدمات من مناطق حكومية وأسواق، ودور عبادة، ومناطق ثقافية وترفيهية، ومناطق خاصة بالمطاعم، وحدائق مركزية باطلالة علي ساحلية على البحر المتوسط بطول 15 كيلو مترًا.