منى عراقي تنشر صورتها بالعلم المغربي احتفالا بالتأهل لنصف نهائي كأس العالم
احتفلت الإعلامية منى عراقي، بفوز المنتخب المغربي على البرتغال وتأهله لنصف نهائي كأس العالم عبر حسابها الشخصي على موقع "إنستجرام ".
كتبت منى عراقي:."المغرب مغربنا، كنبغيك بالزاف".
منى عراقي وسر تصدرها للتريند
لم تتمالك الإعلامية مني العراقي دموعها أثناء الحديث عن زواجها الذي أعلنت عنه مؤخرا، إذ أكدت إنها لم تتزوج من الدكتور أيمن رشوان، كما انتشر خلال الساعات الماضية.
وظهرت منى عراقي في بث مباشر لها عبر صفحتها الشخصية بموقع التواصل الإجتماعي "فيس بوك": إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين مش بنام ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني خلاص ولادي كبروا أخبي ليه؟ وقالوا لي بلاش ترتبطي في السر، دلوقتي مفيش داعي.
وتابعت: ولما حد كان بيسألني كنت بقوله هتجوز قريب، والسؤال اللي دمر نفسيتي بقاله يومين هو سؤال الناس عن هوية العريس، إنت مالك؟ أنا حرة أقول وقت ما أنا عايزة وحرة أقول مين، وإنت بردو أصروا يعرفوا وقولت لهم هعلن في الوقت المناسب عشان حياتي وحياته متبوظش.
واستكملت حديثها قائلة: وجه فرح وحضرت وروحت أسلم على أيمن رشوان والناس قالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم أهروا أنا متعودة مردش على الحاجات دي.
وأضافت: اللي عرفني الخبر صديقي، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن وبيسألوا اتجوزت مين، إنت مالك؟، خلصت القصة، يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا.
وأعربت عن استيائها من تصدرها تريند مواقع التواصل الاجتماعي قائلة: أنا ياما عملت شغل ومحدش عبرني، وياما عملت نجاحات ولا حد سأل فيا، وياما عديت أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا.
