حنان شوقي: بقدس الزواج لأن فيه كل أسماء الله الحسنى.. أنا عايزة أتحب حب حقيقي لا يتجزأ

أكدت الفنانة حنان شوقي من خلال استضافتها ببرنامج "كلام الناس" مع ياسمين عز على mbc مصر، أنها تشعر بمن يحبها بصدق وبمن يخدعها، وأشارت إنها تقدس الزواج بشدة، خاصة وأنه يحمل صفات أسماء الله الحسنى على حد تعبيرها، منوهة بأنها إذا لم تشعر بحالة الحب في حياتها الواقعية فهي تفضل عدم الزواج أو الدخول في علاقة حب.

تصريحات حنان شوقي عن الزواج

وقالت حنان شوقي: أنا بقدس الزواج، والزواج فيه كل أسماء الله، لأن الحالة الزوجية فيها الود من الودود، والرحمة من الرحمن، والحنان من اسم الحنان المنان، الواحد في حالة الزواج الرجل وزوجته لا ينفصلوا لأنها منه..أنا حسيت ده كله ولقيت إن الزواج عملية جامدة جدًا وأنا بحبها وحساها جوايا، ولو محستهاش في الحياة بجد يبقى قلتها أحسن، وأنا لازم أبوس إيد جوزي وأبوسه وأقوله عايز حاجة مني؟.

حنان شوقي كتلة حب متحركة على الأرض

وأضافت حنان شوقي: أنا كتلة حب متحركة على الأرض، وأنا حياتي كلها حب وقلبي مش بينبض غير بالحب بس الحب الحقيقي، وبعدين لما يبقى قلبك ساكن فيه المولى عز وجل وسيدنا النبي، وأي حد يجي يقولك بحبك هتعرفي ده صادق ولا لأ.

حنان شوقي لديها إشارة إلهية تكشف من يحبها بصدق ومن يخدعها

وأضحت حنان شوقي، أنه كان هناك إشارة إلهية تكشف لها من يحبها بصدق ومن يخدعها، قائلة: أنا بحب الحب المتبادل، واللي اتقدمولي كان حبهم كاذب وربنا كان بيبن لي، والبني آدم بيبان من موقف أو كلمة أو حركة، وأنا حساسة جدًا وقلبي رباني بحس باللي بيقولي بحبك بجد، واللي بيقولي بحبك عشان عايز حاجة معينة، أو يقولي بحبك عشان يومين ويعدوا.

واختتمت حنان شوقي حديثها: أنا عايزة أتحب حب حقيقي لا يتجزأ، علشان لما نعجز نفضل نحب بعض، وبتمنى يكون فيه ود ورحمة وحنية، ولو مفيش كده يبقى قلته أحسن.