ياسمين عز لـ سيدات مصر: جوزك ييدافع عني بكل قوته.. وافتحوا المعجم عشان تفهموا كلامي

تحدثت الإعلامية ياسمين عز، عن أكبر الداعمين لها هم الرجال، الذين يدخلوا في نقاشات عبر مواقع السوشيال ميديا للدفاع عنها أمام الانتقادات التي تتعرض لها باستمرار، وذلك خلال برنامجها "كلام الناس" الذي يتم عرضة علي قناة MBC مصر.

وأوضحت ياسمين عز أنها تتابع كيف يدافع عنها معجبيها على مواقع التواصل الاجتماعي.

ياسمين عز: بدخل أشوف مين بيدافع عني، ولا مين بياكل بسنونه

وتابعت: "بدخل أشوف مين بيدافع عني، ولا مين بياكل بسنونه اللي يقرب مني، أبقوا شوفوا سنونه في المعجم، تلاقيه دكتور، رئيس قسم، دكتور في جامعة، باحث وخبير، بتاع السوبر ماركت، كابتن الجيم، اللي بيدرس، كله، من أصغر حد لأكبر حد".

واستكملت ياسمين عن حديثها قائلة: "شفتي الرجل المصري؟ ده جوزك وأخوكي وأبوكي اللي بيدافع عني، وأنا واحدة ميعرفهاش ولا تربطه بها صلة دم ولا قرابة ولا شافها إلا من خلال شاشة التليفزيون، تخيلي النخوة والشهامة، ده الرجل المصري، جوزك".

ياسمين عز: الرجل يتشال على الرموش والأهداب

وأكدت: "الرجل يتشال على الرموش والأهداب، فوق العيون وجوا العيون، نفتح المعجم الوسيط ونشوف لغتنا العربية، عشان لما نقول أهداب يقولوا إيه الكلام ده، فالمعجم معانا طول الوقت عشان أنا عايزة قاموس خاص".

ياسمين عز: جوزك دافع عن الغريبة بكل ما أوتي من قوة

وأشادت ياسمين عز بالرجال الذين دافعوا عنها بعد شائعة وقف برنامجها، موجهة حديثها للنساء وقالت: "جوزك دافع عن الغريبة بكل ما أوتي من قوة من مجرد إشاعة هدامة، ما بالك بأنتي مراته، لو حد قرب لك ياكله كده بسنونه، يقرقشه، إفرحي بجوزك الرجل المصري العظيم، أفرحوا برجالتكم، إسعدوا رجالتكم، رجالتكم عملة نادرة في الزمن".

وأضافت ياسمين عز مدح الرجل المصري قائلة: "رجالتكم عملة نادرة في الزمن ده، الرجل المصري والنخوة والاحترام والتقدير اللي عنده والله ما يتقدرش بكنوز، يا مدام إنتي معاكي حتة آثار نادرة معاكي، رجلك المصري قطعة نادرة فريدة، حافظي عليها زي الآثار، محدش يلمسه ويقرب له، يا بختنا كمصريات برجالتنا، نشيلك يا مصري على أهداب العين مش بس رموشنا".

ويذكر أن المعجم الوسيط يعرف أهداب العين بـ "شعر رموش العين" مما يجعلها مرادفة لكلمة رموش التي ذكرتها ياسمين عز، أما كلمة "السنون" فهي الأسنان.