خاص| آيتن عامر:" كنت مأجلة خطوة الغنا واتشجعت السنة دي.. وأدواري المستفزة خارج عن إرادتي"
كرمت الفنانة آيتن عامر، في حفل توزيع جوائز دير جيست السنوى، لنجاحها في مسلسل " مكتوب عليا " مع النجم أكرم حسني الذي تم عرضه في رمضان 2022.
وأعربت الفنانة آيتن عامر في تصريحات خاصة لـ "الفجر الفني"، عن سعادتها بتكريم مسلسل " مكتوب عليا "، وتتمنى نجاح مسلسلها القادم في رمضان 2023.
اختيار ايتن عامر للأدوار
وعن اختيارها للأدوار قالت:" أنا ماليش يد في اختيار الأدوار حسب اللي بيتعرض عليا بعمله؛ولأني أجيد تجسيد الدور هذا يعطي انطباع الاستفزاز لدى الجمهور، واتقال لي كتير في وسط الناس بالشارع ".
غناء آيتن عامر
وعن قرارها الغناء قالت: " كنت مأجلة خطوة الغناء، والحقيقة اتشجعت السنة دى وقولت طب يلا نجرب، ولما التجربة نجحت وده اللي شجعني إني أكمل، وإن شاء الله تسمعوا أغاني لذيذة متنوعة في الفترة المقبلة".
رسائل متبادلة بين ايتن عامر وأكرم حسني
وقد وقعت رسائل متبادلة بين الفنانة آيتن عامر والفنان أكرم حسني، بعد حصدهما جائزتين بحفل "دير جيست" عن مسلسلهما "مكتوب عليا" الذي عُرض في دراما رمضان، ونشرت آيتن صورة تجمعها به، عبر حسابها على إنستجرام، وعلقت: “أنا مهما اتكلمت عنك مش هقدر أشرح ربع أي حاجة من الحاجات الكتير الحلوة فيك، وكلمة شكرا عمرها ما هتكون كفاية عليك عشان أنت تستاهل أكتر من كدة بكتير مش بس صديق جدع وفي ضهري دايما وزميل لن يتكرر.. لأ أنت كمان أخ قليل لما ألاقي زيه”.
وأضافت: "خدنا جايزتين واحدة ليك وواحدة ليا عشان مكتوب عليا.. وربنا يكتبلك حب الناس أكتر وأكتر عشان أنت تستاهل، شكرًا يا سي جلجل".
ورد الفنان أكرم حسني، على رسالتها، قائلًا: "انتي الأجدع والأحلى والأطيب دايما يا تونة يا شاطرة يا أم دم خفيف.. بحبك يا رقية يا بنت رفيدة".
بداية دخول آيتن عامر التمثيل
وفي تصريحات سابقة قالت آيتن عامر: " بداية دخولي عالم التمثيل كانت غريبة جدًّا، أنا كنت بتستخبى في شنطة عربية وفاء عامر علشان أروح معاها التصوير خاصة وهي رايحة المسرح.. وكنت بحب أروح معاها المسرح لأنها كانت بتشتغل مع صلاح عبد الله وأحمد آدم وحسين الشربيني وكوكبة من الفنانين في فترة التسعينيات، ووقتها كان عمري 6 أو 7 سنين وعملت الإعلانات وأنا صغيرة وكانت شيري عادل السبب لما ما قدرتش تيجي فخدوني مكانها وعملت ساعتها 4 إعلانات وبعدين وقتها ما فكرتش في تمثيل".
