دومينيك حوراني لـ الفجر الفنى: "الراجل المصري بيحافظ على حبيبته علشان معندوش حرية الغرب.. ولو سعيد مش هيخون"

كشفت الفنانة دومينيك حوراني عن أسباب إعجابها بالرجل المصري لافتة أنه سند كبير للست ولديه طاقة وحيوية ليس لها مثيل كما أنه ليس الرجل المصري فقط خاين بطبيعته وإنما كل الرجال.

دومينيك حوراني:" الراجل المصري سند كبير وبيحافظ على اللي بيحبها لأنه معندوش حرية الغرب

وأضافت في تصريحات خاصة لـ الفجر الفنى:" الراجل المصري سند كبير للست وداعم لها ودايما بيحافظ على اللي بيحبها لأنه معندوش الحرية اللي موجودة برا ومبيعملوش علاقات قبل الزواج ومفيش انفلات

دومينيك حوراني:" الخيانة طبع في كل الرجال 

تابعت:" الراجل بطبيعته خاين مش بس الراجل المصري والراجل لو مبسوط مع مراته مش هيخون.

كما كشفت الفنانة دومينيك حوراني في تصريحات سابقة  عن أسباب استقرارها في مصر، لافتة أنها عاشت في بلدان كثيرة ولكن قررت الاستقرار في مصر هي وابنتها في الوقت الحالي نظرًا لحبها للشعب المصري مضيفة:" الشعب المصري كله عسل علشان كده سبت الدنيا وجيت مصر.

كما تحدثت دومينيك حوراني عن انتهائها من تصوير عدد من الأعمال مشيرة أن الأعمال توقفت لفترة بعد تصويرها بسبب أزمة الإنتاج وفيروس كورونا.

وكشفت عن تلقيها العديد من العروض الدرامية والسينمائية في الوقت الحالي بعد عودتها للاستقرار في مصر لكنها ما زالت في مرحلة القراءة.

وأشارت إلي أنها تجتمع مع المطرب محمود الليثي في ديو غنائي سيتم طرحه في عيد الحب القادم.

تصدرت الفنانة دومينيك حوراني في الساعات الأخيرة ترند جوجل مصر وذلك بعد تصريحاتها المثيرة للجدل في برنامج “قعدة ستات” مع الإعلامية مروى صبري  وتفاعل معها الكثير وإليكم أبرز هذة التصريحات:-

-أنا مسيطرة في كل مكان مش بس في البيت ومحبّش اللي يحكمني.

-الرجّالة والممثلين اللي بغيروا منّي الله يوفقهم ويبعد شرهم عني.. ولو أنت واثق بنفسك مثّل حلو ومش هخطف حاجة منّك.

نصيحة للراجل البخيل: أكيد مراتك هتخونك.

- الرجالة ما يستاهلوا لا تبني معاهم طوبة ولا طوبتين.

- لو حتستحمليه بالفقر وحتصرفي عليه، حياخد الفلوس منك ويصرفها على وحدة تانية.

لمّا انت بتخون محدّش هيحترمك في المجتمع