زيزي عادل تكشف حقيقة ابتعادها عن الفن بسبب زواجها

كشفت الفنانة زيزي عادل، حقيقة ابتعادها عن الفن بسبب زواجها، لافتة إلى أن هذا الكلام غير صحيح بالإضافة إلي أنها لم ترتدي الحجاب بعد الاعتزال لكنها شعرت أنها لا بد أن تقترب من الله.

زيزي عادل: “حسيت إن كله على بعضه حرام”

وأضافت زيزي عادل خلال حوارها مع الإعلامية ياسمين عز، أنها شعرت بأنها غير مستعدة للقاء الله والكليبات والاغاني لن تنفعها عند مقابلته مضيفة: “حسيت إن كله على بعضه حرام”.

تصريحات ياسمين عز في برنامج "كلام الناس"

وحرصت الإعلامية ياسمين عز، على توجيه رسالة للسيدات كعادتها، بالتغاضي عن أخطاء أزواجهن واحتوائهم وعدم طلب الانفصال نهائيًأ، وذلك خلال تقديم برنامجها "كلام الناس" الذي يتم عرضة علي شاشة MBC مصر.

وقالت ياسمين عز: مفاتيح الراجل تلاتة أمه وأخته وودنه وهعمل حلقة تانية عن أخته خصوصًا وهو عايز يسمع كلام طيب وحلو حتى لو غلطانة والزن على الودان أمر من السحر وهيشوفك ست الكل، ولو رجع والخطة نجحت وساب الزوجة التانية السؤال ليكي ماذا لو عاد معتذرًا؟ يا أهلا بيه والله يحيه هنرجع ونحافظ على بيتنا ومفيش كلمة طلاق.

وأضافت: "الراجل غلبان وغلط ورجع لصوابه والعتاب بعدين، متبقاش هي قاعدة رجلها في الشمس وأنتي وشك يكون قد اللقمة وتتمنعي عن الرجوع.

واستعانت ياسمين عز بـ مثل شعبي قديم، قائلة: حطي جوزك فوق السطوح ولو ليكي نصيب فيه مش هيروح، وحرصي من القريب قبل الغريب ومينفعش جوزك يوصل صاحبتك لوحدك ومينفعش تثقي في حد غير في نفسك وأهلك ورقم جوزك متديهوش لحد ولا تقولي شغله فين ومتحكيش عن حلاوته لحد حتى الدليفري أطلبي من موبايلك، لأن واحدة ممكن تكلم المطعم وتحاول تجيب رقم جوزك.

وأكملت حديثها قائلا: “أي مكان فيه تجمع جوزك في إيدك لأنه فرعون وحتة آثار ولو رايحة الحمام خديه معاكي، ومتعزميش صاحبتك وتسبيها جنب جوزك وتروحي تجيبي العصير من المطبخ لأن بكرا هتروح هي تجيب الشربات ومينفعش تقولي الست مش ملزمة لأن هتيجي واحدة ملزمة تاخده منك وتفصص له السمك”.