الليلة وغدًا عرضين مميزين.. الفخراني ونجوم " ياما في الجراب ياحاوي" يحتفلون بالكريسماس مع الجمهور

يقيم مسرح " كايرو شو" ليلتي عرض مميزتين اليوم وغدًا بمناسبة اعياد الكريسماس لمسرحية " ياما في الجراب ياحاوي" للنجم الكبير يحيى الفخراني.
 

احتفال أسرة المسرحية مع  الجمهور 

ومن المقرر احتفال أسرة  المسرحية مع جمهور العرض بالحاضرين من مواليد 24 و25 ديسمبر مع تقديم هدايا ومفاجآت ترفيهية مبتكرة.
 

أبطال عرض “ ياما في الجراب ياحاوي ”

" ياما في الجراب ياحاوي" بطولة النجوم محمد الشرنوبي وكارمن سليمان وشريف الدسوقي وسما إبراهيم وناصر سيف ولبنى ونس وهي من تأليف بيرم التونسي وألحان محمود الشريف وإخراج مجدي الهواري وتلقى نجاحًا جماهيريًا ونقديًا كبيرًا للعام الثاني على التوالي.

رأي يحيى الفخراني في الفن الحالي

في تصريحات تليفزيونية  قال يحيى الفخراني  رأيه في الفن الذي يقدم الفترة الحالية، قال: "شايف إن ديما الفن مرآة للمجتمع، والواحد ميتخضش، هو لازم يطلع وينزل ويهبط شوية، لكن أنا شايف إن الفن كويس، وهو فيه حاجات زي الزمن، العمق الفكري قليل شوية عن التكنولوجيا اللي غلبت، بس كله عمق، الفن ما بين دلوقتى و10 سنين فاتوا، لأ، أنا مببصش على الفن كده، المهم عندي يبقى موجود، المهم إنه مبيبطلش، لما يبطل يبقى ده الخطر، لكن ما دام موجود، تأكد هيبقى أفضل".

وأضاف: "حتى أيام ما قالوا أفلام المقاولات، أنا كنت حابب جدًا أفلام المقاولات، لإن دي اللي هتعيّش الحكاية، لو متعملتش أفلام المقاولات دي، الناس مش هتقبل على الأفلام الكويسة، مش هتبقى موجودة الحاجة الكويسة، الناس هتفضل تروح سينما، لغاية ما يخبطوا في حاجة كويسة، بس هو إمتى بقى تبقى كويسة وممتعة؟، المتعة في المقام الأول بالنسبة للفنون، مش بس القيمة الفكرية يعني".

يحيي الفخراني  خارج السباق الرمضاني 2023

وعن سبب تأجيل مشاركة يحيى الفخراني في رمضان المقبل، قال: "السنة اللي جاية، هنبدأ نشتغل فيه، دي حصري، أول مرة هقولها، في عمل لعبد الرحيم كمال وشادي الفخراني بس مش لرمضان ده، اللي بعده، بعد شهر بالظبط، عبد الرحيم يفضى وهنبدأ نشتغل فيه، كان المفروض يتعمل السنة دي، بس لقينا عبد الرحيم مشغول، فقررنا إن إحنا نأجله السنة الجاية، مفيش مشكلة خالص، ولازم يبقى معايا ورق على الأقل 20 حلقة، وابقى عارف النهاية بعد كده في العشر حلقات الباقيين، لازم أبقى ضامنهم يعني"