وفاء مكي تتعرض لـ أزمة مادية: 'ابني جعان ومعييش فلوس أجيب أكل'

كشفت الفنانة وفاء مكي عن إنه ا تتعرض لـ  أزمة مادية، الفترة الحالية بسبب عدم المشاركة في أعمال فنية لعدة أعوام، مشيرة إلى أنها لا تملك حق الطعام واضطرت لتجميع الجنيهات لتستطيع شراء الطعام، وذلك بعدما ابتعدت عن الفن لعدة أعوام.

وفاء مكي: ابني كان جعان ومكنش معايا فلوس أجيب أكل

وقالت وفاء مكي في تصريحات صحفية: من 3 أيام ابني كان جعان قولتله مش معايا فلوس أجبلك أكل وقعدنا نلم جنيهات من البيت لحد ما جبنا كيس عيش، بيقولوا اللي بيحصل لي ذنب اللي عملته، طب ابني ذنبه إيه، ابني مالوش ولا حول ولا قوة عشان يتعاقب، وليه ما نقولش إذا ربنا أحب عبدا ابتلاه علشان يشوف مدى صبره وتحمله وقضيتي بقى لها 23 سنة وعملت بعدها بطولات ومسلسلات.

وفاء مكي: عليا ديون بـ 500 ألف جنيه وأمي ست عيانة

وواصلت وفاء مكي: أنا أخدت سلفة من النقابة وعليا وصلات أمانة، وعارضة شقتي للبيع وهبقى أعيش في شقة إيجار جديد، وخلاص أنا تعبت وفاض بيا ومش قادرة استحمل، بقى لي 10 سنين عليا ديون بـ 500 ألف جنيه وأمي ست عيانة وفي حالة خطر وعندي التزمات وأخدت قرض، وعايشة على معاش والد ابني 3 آلاف جنيه في الشهر والقرض بيتم سداده لمدة سبع سنين.

واختتمت وفاء مكي: أخدت فلوس من النقابة قبل كدا علشان تعب أمي وماضية ورق بالمبالغ دي.. أمي عندها كانسر في الأمعاء ومستأصلة جزء منها، وبفكر أبيع الشقة وأعيش في شقة إيجار جديد، وبقول للناس الشمتانين: دا مش عقاب لأن الله إذا أحب عبدا ابتلاه.

أبرز أعمال وفاء مكي

والجدير بالذكر ان الفنانة وفاء مكي قد شاركت في العديد من الأعمال التي حققت نجاحا كبيرا، "هاربات من الماضي، الراية البيضا، بوابة المتولي، ذئاب الجبل، القلب يخطيء أحيانا، كعب داير، القضاء في الإسلام"، وفي السينما: "إلا ابنتي، ضد الحكومة، المشهد الأخير، الجمالية"، وكان آخر أعمالها هو مسلسل "الكابوس" عام 2015 مع النجمة غادة عبد الرازق وحققت من خلاله نجاحا كبيرا.