سهير جودة عن حصول "الستات" على جائزة الأفضل: الجمهور كان مصدر القوة والاستمرار
أعربت الإعلامية سهير جودة عن امتنانها الشديد للجمهور، بعد حصول برنامجها «الستات» على جائزة الأفضل، التي تقدمها مؤسسة وشوشة الإعلامية، بعد تصويت عدد كبير من الجمهور، واختيار «الستات»، كأفضل برنامج اجتماعي، قائلة: «بنشكر كل الناس اللي بتحبنا ووقفت جنبنا ودعمتنا والجايزة دي أولا ليهم، وثانيا بنشكر إدارة قناة النهار استاذ علاء الحكحكي».
سهير جودة توجه الشكر للداعمين
وأضافت سهير جودة في برنامجها الذي يحمل اسم «الستات»، والمذاع عبر فضائية «النهار»، قائلة: «خلينا نقول شكرا للناس اللي دعمتنا وكانوا سبب رئيسي في ان احنا نشوف مدى عمق العلاقة بينا وبينهم ناس على البعد منعرفهاش، هما الجمهورأنتم، كنتم مصدر القوة والتحدي والاستمرار والاصرار والسعادة لنا».
التوتر والتعب اتمحى ببركة ربنا
وتابعت: «زي دلوقتي السنة اللي فاتت كنا خايفين من التحديات وعندنا قلق وتوتر وتعب، وبنقول يارب ان شاء الله هنعمل ايه، كل التوتر والقلق كان موجود لكن اتمحى ببركة ربنا وبدعاكم وبدعمكم وبحبكم، وشكرا لكل الناس اللي بتدعمنا، ودايما بيقولوا يجيي الخير من التغيير فالحمدلله على الخير الذي جاء فجأة من التغيير».
وأشارت سهير جودة: «بنمتن طول الوقت لأقل مجهود اتعمل واتبذل علشان نبقى موجودين ونفضل مؤثرين، وعشان تفضلوا في حياتنا وتفضلوا حاضرين ونفضل موجودين بحبكم ودعمكم وبمحتوى فيه وعي ومختلف بنقدمه».
سهير جودة: ربنا منحنا حياة جديدة
وأوضحت سهير: «زي انهاردة كان في تحديات وقلق وخوف، لكن ربنا منحنا بداية جديدة، وعندما يمنحك الله بداية جديدة لا تكرر الأخطاء القديمة ولا تجدد الأحزان القديمة، لكن حبيت اشرك حضراتكم كنا ايه، بنشتغل بنوايا جديدة والاعمال بالنيات، كل وقت له اختيار فخلينا نختار الحب والسعادة والسلام لينا ولكل الناس، وعلى نياتكم ترزقون، وربنا يرزقكم أحلى الأمنيات دايما».
سهير جودة: تهنأ جمهورها بالعام الجديد
هنأت الإعلامية سهير جودة، جمهورها ومتابعيها بمناسبة حلول العام الميلادي الجديد 2023، متمنية في العام الجديد ألا يتكرر معها القلق والحساسية المفرطة، لأن هذا الأمر ينعكس عليها جسديا وتصاب بالتعب.
وقالت سهير جودة في برنامجها الذي يحمل اسم «الستات» والمذاع عبر فضائية «النهار»، إن هناك أشياء لا تتمنى تكرارها في عام 2023، حيث أنها بدأت في قراءة مجموعة من الروايات في عام 2022 ولم تنتهي منها، مشيرة: « نفسي أبطل التأجيلات، ونفسي أسافر أعمل عمرة».
وأشارت سهير جود: «في السنة الجديدة أنا هاخد عهد على نفسي وأبعد عن الشوكولاتة والحلويات، وإن شاء الله أنفذ هذا الوعد، أنا مبحبش الاكل، وبأكل أكل عاطفي».
