محمد رمضان: 'لو حد قال أنا "نمبر وان" هزعل'

قال الفنان محمد رمضان إن يلتمس العذر للجمهور حين ينتقدوا ملابسه أو حتى بعض أغنياته، مثل أغنية "نمبر وان" الشهيرة.

أوضح رمضان خلال حواره مع الإعلامية منى الشاذلي في سهرة خاصة على قناة cbc والقناة الأولى، أنه يضع نفسه مكان الجمهور في بعض المواقف، قائلا: "أنا بعذر الجمهور برضو.. لما انتقدوا أغنية (نمبر وان) حطيت نفسي مكان الجمهور أو الزملاء وقلت لو صحيت ولقيت لحد بيقول كده هزعل واتضايق طبعا".

وفيما يتعلق بملابسه الغريبة التي يرتديها في كثير من المناسبات، أكد رمضان أنه يرتدي ما يناسب الحدث، بينما في حياته العادية يرتدي مثل أي شاب في سنه، قايلا: "اللبس الغريب ده في الحفلات بيبقى جزء من الشو والبهرجة الزيادة.. انما في الحياة العادية لبسي بسيط وشبه لبس كل الشباب".

وتابع: "معايا تيم بيختار لبسي حسب كل ايفينت بروحه.. يعني لو عندي ايفينت ليه علاقة بإفريقيا بيبقي معايا ستايسلت إفريقي.. لو حفلة في المغرب يبقي ستايلست مغربي وهكذا".

محمد رمضان عن احتفالات العام الجديد

وبسؤاله عن احتفالات العام الجديد، قال: "زمان كنت بقعد أنا وأصحابي نتفرج على الناس اللي بتحتفل برأس السنة.. دلوقت أنا بقيت احتفل بيه.. الإحساسين حلوين وعظام.. زمان كان شعور جميل جدا ودلوقت جميل وأنا راضي بالاتنين".
 

محمد رمضان كان يحلم بـ لقاء مني الشاذلي 

والجدير بالذكر ان محمد رمضان قد اكد أنه كان يحلم بهذا اللقاء منذ سنوات طويلة، قائلا: "من وأنا صغير كنت شايف حلمي ومصدقه وعلى يقين إن كل المعاناة دي هقعد أحكيها قدام أهم إعلامية في مصر.. القعدة دي أنا تخيلتها وأن قاعد على رصيف ومستني منتج عشان الأمن رفض إني اطلع له".