محمد رمضان عن لقاء منى الشاذلي: "حلمت إني أقعد قدام أهم إعلامية في مصر"

حل الفنان محمد رمضان، ضيفا على سهرة خاصة تقدمها الإعلامية منى الشاذلي على قناة cbc والقناة الأولى المصرية، ضمن احتفالات رأس السنة.

محمد رمضان يوجه رسالة بمناسبة العام الجديد 

وفي بداية الحلقة وجه رمضان رسالة بمناسبة العام الجديد، قائلا: "بقول لسنة 2022 اللي فات بلطي واللي جاي جمبري إن شاء الله".

رمضان يحقق أمنية طفولته 

وبسؤاله عن احتفالات العام الجديد، قال: "زمان كنت بقعد أنا وأصحابي نتفرج على الناس اللي بتحتفل برأس السنة.. دلوقت أنا بقيت احتفل بيه.. الإحساسين حلوين وعظام.. زمان كان شعور جميل جدا ودلوقت جميل وأنا راضي بالاتنين".

في نفس السياق، أكد محمد رمضان أنه كان يحلم بهذا اللقاء منذ سنوات طويلة، قائلا: "من وأنا صغير كنت شايف حلمي ومصدقه وعلى يقين إن كل المعاناة دي هقعد أحكيها قدام أهم إعلامية في مصر.. القعدة دي أنا تخيلتها وأن قاعد على رصيف ومستني منتج عشان الأمن رفض إني اطلع له".

تصريحات رمضان عن أزمة الطيار ابو اليسر 

وأضاف رمضان خلال حواره مع الإعلامية منى الشاذلي في سهرة خاصة على قناة cbc والقناة الأولى، أنه يشعر بالحزن لكونه تسبب في شيء سيء للطيار الراحل، قائلا: "أنا كمان زعلان إني تسببت في شيء قاسي علي الطيار الله يرحمه.. أنا بعترف إن أوقات لا نحسن إدارة الأزمة بشكل سليم".

 

محمد رمضان: قرار إيقاف الطيار أبو اليسر كان قاسيًا
 

وتابع: "أنا اتفاجئت زيي زي الجمهور بهذا القرار القاسي بإيقاف موظف مدي الحياة عشان ممثل اتصور معاه في الكابينة.. فيما بعد عرفت إن قانونيا ممنوع.. أنا معرفش قانون الطيران.. فكنت أتمني القرار يكون أخف شوية.. كنت جاهز وحاولت بقدر الإمكان وكل الطرق إني أحل الموضوع قبل ما يبقى قضية رأي عام..بس محصلش نصيب في الحل".

وأضاف: "اللي زعلني إن الموضوع تم تقديمه من خلال الإعلام إن أنا سبب في شيء صعب زي ده.. الأعمار بيد الله.. والوفاة حصلت بعد ما كسب القضية بالفعل.. مات كمدا ده لو القضاء قال حكم آخر.. لكن القضاء أنصفه.. وانا بكل الرضا والتسامح دفعت المبلغ اللي حكمت بيه المحكمة".