أحمد شيبه يبكي: "حسبي الله في أي حد يقول إني ما دفنتش أخويا ونزلت أغني في الأفراح"
أكد المطرب أحمد شيبة، عدم صحة ما أشيع عنه من دفن شقيقه ثم نزوله للغناء في أفراح، قائلا: "اللي يقول عليا كده بعد وفاة أخويا حسبي الله ونعم الوكيل فيه، وأنا قعدت أسبوعين وبعدين رجعت الشغل عشان مصاريفي والناس اللي معايا وأبناءه أخويا شغالين معايا".
تصريحات أحمد شيبه
وبكى المطرب أحمد شيبه، خلال حواره ببرنامج "حبر سري"، مع الاعلامية اسما إبراهيم، على قناة القاهرة والناس، خلال حديثه عن شقيقه الراحل قائلا: "ربنا يعلم بيا وأخويا اتخطف مني وهو كان الكبير وعياله موجودين وكان نفسي اعمل معاه كل حاجة وكنت لسه مكلمه قبل وفاته".
أحمد شيبة: “مكنتش عارف أبلغ أمي بوفاة أخويا”
وتابع: "أخويا مكنش تعبان ولا حاجة خالص وكنا عايشين مع بعض وقبل وفاته وديته المستشفى ومات ومقولش ليا في المستشفى إلا بعد ما مات بساعة، وكنت مش عارف وقتها أقول لأمي أزاي لأنها مريضة والاخ ميتعوضش".
وقال شيبة، إن الراحل حسن الأسمر، أفضل مطرب شعبي دخل مجال التمثيل، مشيرا إلى أنه يعمل حاليا في فيلم مع نجوم الطرب الشعبي محمود الليثي وسعد الصغير وأمينة، وأيضا النجوم علاء مرسى وحجاج عبد العظيم.
ورد، في حوار ببرنامج "حبر سري"، مع الاعلامية اسما ابراهيم، على قناة القاهرة والناس، على حقيقة اعتداءه على الجمهور خلال غناءه في الأفراح، قائلا: "مش بعمل خناقات في الافراح ولكن أنا خلقي ضيق شويه بسبب أني بتشد من الجمهور بس أنا بحترم جمهوري".
وتابع: "أحيانا بطلع أغني في أفراح بيبقى ربنا فقط اللي عالم بحالي وبتقابلني حاجات بستحمل فوق طاقتي"، مؤكدا أنه لا يرفع سعره للغناء في الحفلات والأفراح من أجل العمل بشكل متزايد وقال: "الناس تعبانة ولو أنا عليت أجري والناس ممعهاش هقعد في البيت".
يجدد الفنان أحمد شيبة التعاون الفني مع الملحن خالد سلطان في أغنية جديدة، والتي تحمل اسم "طلق فاضي".
وتعتبر أغنية "طلق فاضي"، هي الثالثة التي تجمع بين الفنان أحمد شيبة والملحن خالد سلطان.
