حماقي: بعد تعرضي لأزمة صحية طلعت عني شائعات إني مش هغني تاني!

كشف الفنان محمد حماقي، عن تفاصيل الأزمة الصحية التي مر بها عام 2011، وذلك خلال استضافته في برنامج "صاحبة السعادة" الذي تقدمة الإعلامية إسعاد يونس، على قناة DMC.

حماقي يكشف عن الأزمة الصحية التي تعرض لها

وقالت: "سنة 2011، كنت في يوم عند أحمد إبراهيم شغالين علي أغنية، وحسيت وقتها أني مش مظبوط، ألم في كتفي وضهري، فقولت له أنا حاسس أني مش مضبوط".

وتابع: "وصلت البيت قمت بقياس الضغط وكان ضغطي عالي جدًا، فراح مدير أعمالي الصيدلية لإحضار دواء الضغط فالصيدلي قال له لو مريض ضغط مقدرش أديله دواء ضغط، ونصح مدير أعمالي بشرب كركديه، وشربت كركديه ضغطي هدي شوية، بعدها بشوية ارتفع ضغطي مرة أخرى فذهبنا للمستشفى".

محمد حماقي: لو كنت تأخرت عن دخولي المستشفى كانت هتحصلي مشاكل كتير 

وأضاف: "مع دخولي المستشفى، عملت رسم قلب، الدكتور نصح مدير أعمالي بأننا نروح مستشفى تانية، وقاله لو فيه إشارة نكسرها، وروحت وعملت قسطرة قلب، وكانت المشكلة في الوقت أني لو كنت تأخرت كانت هتحصل مشاكل كتير".

محمد حماقي: طلع عني شائعات إني مش هغني تاني

واستكمل حديثة قائلا: “الغريب أن الأغنية اللي كنت بشتغلها الفترة دي كانت (فيه جوه قلبي حاجة مستخبية)، وكانت طلعت شائعات أن حماقي مش هيغني تاني”. 

آخر أعمال محمد حماقي 

ومن ناحية أخري طرح الفنان محمد حماقي مؤخرا أغنية بعنوان "قلبي حبك جدا" التي حققت نجاحا كبيرا عبر قناتة "يوتيوب" وهي من كلمات أمير طعيمة، ألحان عمرو مصطفي، توزيع أحمد إبراهيم.

كلمات أغنية قلبي حبك جدا

وتقول كلمات الأغنية: "أنا قلبي، قلبي، قلبي ذاب وإنت، إنت مين غير كل الناس إيش جاب لجاب قول لي جيت منين يا قمر وطالع في المكان خذ عينيّ لما بان كان فينك بقى من زمان فين، فين، فين قلبي حبك جدا، جدا، جدا إنت ليه قلقان سلم يلا استسلم مش هتكلم الموضوع خلصان إنت اللي عمري معه واللي عيوني يشاوروا عليه أنا قلبي قال لك آه طب مستني أقول لك إيه الحب ليه مداريه قول لي ليه، ليه، ليه قول لي ليه، ليه، ليه".