عمرو مصطفى: كل الألحان اللي قدمتها ندمان عليها وظلمت نفسي إني مغنتش من زمان وهحتفظ بألحاني لنفسي
حل الفنان عمرو مصطفى في برنامج " مشاهير الحرة "، وكشف أنه لن يقدم ألحانًا مرة أخرى للمطربين، وسوف يكثف مجهوداته في الفترة المقبلة لأعماله الغنائية فقط، ويحتفظ بألحانه لنفسه، ولن يتعاون مع أي مطرب مرة أخرى، حتى يترك لأبنائه وأحفاده تاريخًا فنيًا مشرفًا يتفاخرون به، حسب قوله خلال لقائه في برنامج مشاهير الحرة، نرصد أبرز تصريحاته في السطور التالية.
قرار عمرو مصطفى للغناء والألحان لنفسه
عن قرار عمرو مصطفى عن استمرار غناءه قال:" ظلمت نفسي إني مغنتش من زمان ومفيش أغنية نزلتها منجحتش، كنت بتعاطف جدًا مع زمايلي وقررت مش هتعاطف تاني ".
وتابع: " كل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها ، مش هدي أغاني لحد تاني لو دفعولي مال الدنيا ، هعمل أغاني لبنات ولـ عمرو مصطفى بس ".
واستكمل: " محتاج أسيب تاريخ لولادي وأحفادي تاريخ موسيقي راقي، فأنا أشعر بالندم ولن أعطي ألحاني لأي فنان "، مضيفا: " لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب".
وواصل: " الوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب ".
إشادة عمرو مصطفى بزملاءه في الوسط الفني
كما علق عمرو مصطفى على زملاءه، واصفا الفنان محمد منير: " محمد منير ده البابا بتاعنا، ده حالة لوحده"، وأشاد إعجابه بالفنان أحمد سعد قائلا:
"بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا".
وأضاف: " الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها، بدي الأغنية للمطرب بينزلها 50%".
وواصل: " الوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب ".
الوجه الحقيقي لعمرو مصطفى
كما كشف عمرو مصطفى عن الوجه الحقيقي لشخصيته قائلًا: " فنيًا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي".
وعن السبب وراء قراره للغناء قال عمرو مصطفى: " تصدر مقطع فيديو لي في أحد البرامج التليفزيونية الذي أصبح تريند في رمضان الماضي، وهذا كان رسالة من ربنا بيقولي أنت يا عمرو أطلع"، مشيرا: "من ضمن خططي القادمة هعمل حفلة واحدة في السنة".
