ياسمين عز: اللي متجوزة موظف بنك دايما بتتحسد عليه.. وصوته صيفي وجذاب

عادت الإعلامية ياسمين عز التحدث عن أصحاب المهن المختلفة ومميزتهم من بينهم موظفين البنوك، وذلك خلال برنامجها "كلام الناس" الذي تم عرضة علي قناة MBC مصر.

وأوضحت ياسمين عز أن موظفين البنك يتمتعوا بالعديد من الصفات التي تثير إعجابها وتجعل من حق زوجات هؤلاء الرجال الشعور بالغيرة عليهم من الآخريات.

ياسمين عز: اللي متجوزة موظف بنك دايما بتتحسد عليه

وقالت: "اللي متجوزة موظف بنك دايما بتتحسد عليه، بيكونوا دايما على الفرازة، مابيكبروش في العمر، العمر بيجي لغاية عندهم ويقف، تحسي إنك متجوزة موديل، طول اليوم بيشف ويرف من الشياكة والنضافة وريحة العطر بتاعه اللي بتكون جايبة لغاية أخر الشارع".

وتابعت ياسمين عز: " لو جوزك موظف بنك لكي حق تغيري عليه من أناقته ولياقته ولباقته اللي بتتمناها بنات كتير، وفي حاجة بتلفت انتباهي دايما، إيديهم وضوافرهم كإنه ا دايما معمولة باديكير لوحدها والزوايد متقصقصة، مع إنه مبيعملش فيها حاجة، بس دي حاجة رباني".

وأكدت عز: "معروف أن الرجل طبيعته ربنا خلقه نضيف وبيشف ويرف، ولكن موظف البنك تحديد عدى المواصفات القياسية، داخل مستوى رفيع عشان يعلي درجاته".

وأشادت المذيعة بصوت موظفي البنوك، وقدرتهم على التحدث بنبرة خفيضة، قائلة: "صوته صيفي، لأنه رجل، بس بطبقة منخفضة تميل للجاذبية، القميص مسطرة، والبنطلون مكوي والجزمة بتلمع لمعة جلد التمساح، موديل مش موظف بنك".

ياسمين عز عن موظفي البنوك: خبير في فنون التعامل مع البشر

وأكدت صعوبة اجتياز اختبارات القبول للحصول على وظيفة في البنوك، موضحة: "بتبقي ضامنة أنك متجوزة واحد يقدر يتحمل الضغوط، مر على كل أنواع الاختبارات اللي ممكن يعدي عليها أي حد، ده غير أنه بيكون خبير في فنون التعامل مع البشر، ومعدل ضبط النفس عنده غير طبيعي، الثبات الانفعالي أكتر من ياسمين.

وأردفت ياسمين عز: "فما بالك لما مراته حبيته تطلب منه حاجة، يا سعدك يا هناكي، جوزك موظف بنك، ده مش بعيد من قبل ما تطلبي الحاجة، يكون هو عارفها، عارف عايزة أيه ويعمل لك اللي نفسك فيه".

ياسمين عز: موظف البنك بيكون عارف الهدف بتاعه كزوج

واختتمت نظريتها حول موظفين البنوك قائلة: "موظف البنك بيكون عارف الهدف بتاعه كزوج، وبالتالي يبذل كل طاقته عشان يحقق الهدف ده، ويوفر لك حياة جميلة أنتي وولادك، وعمره ما يطمع في فلوسك أبدا، يا هانم ده واحد بيكون تحت إيده ملايين مملينة، وعمره ما يطمع فيها، ما بالك بفلوسك أنتي، ومستحيل تطلبي منه فلوس يرد عليكي بجملة (هو أنتي فاكراني شغال في بنك) لأنه فعلا شغال في بنك".