صفوة: كل ما العري بقى أكتر كل ما الفنانة بقت أكبر
صفوة: 'فيفي عبدة ولوسي راقصات محترمات.. والبلاد الأجنبية بتقدر الرقص الشرقي'
حلت الفنانة صفوة نجمة فيلم "هي فوضى" ضيفة في برنامج "قعدة ستات"، الذى تقدمه الإعلامية مروة صبري عبر قناة القاهرة اليوم.
تحدثت الفنانة صفوة عن مهنة الرقص ونظرة الناس والمجتمع لـ الراقصات وكيف تقدره البلاد الأجنبية.
صفوة: فيفي عبدة ودينا من الراقصات المحترمات اللي المجتمع بيحترمهم
وأضافت صفوة خلال لقائها مع الإعلامية مروة صبري في برنامج قعدة ستات المذاع على شاشة “القاهرة اليوم”: دلوقتي مين الناس الكويسة، اللي إحنا بنحترمهم، وهنفضل نحترمهم في زمن الفن الجميل، زي دينا، بوسي، فيفي عبده، وأنا بعترف أن دول فنانات راقصات إلى أبعد الحدود محترمات، وهم فوق دماغي".
صفوة: مش مكسوفة من لقب راقصة ومهنة الرقص مافيش حد بيقدرها بالتقدير المناسب لها
واستكملت صفوة حديثها: من 10 أو 8 سنين فاتوا، ظهر عدد من الراقصات زي، صافينار، وكل ما العري ما بقا أكبر، كل ما الفنان بقا أكبر، والفنانات والراقصات المحترمات اللي بكلمك عليهم، بقا شغلهم أقل بكتير، أي بلد أجنبي، بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص مافيش حد بيقدرها بالتقدير المناسب لها، ولازم الناس يكون الوعي بتاعها غير".
صفوة: مهنة الرقص صعبة لأن الراقصة بتشغل معاها 40 راجل بشنبات
وأضافت: وأنا عملت مجهود كبير جدًا، عشان أثبت أني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات".
واضافت صفوة حديثها: لغاية النهاردة، أما تيجي تشتمي حد هتقوليله كذا، وأنا صريحة، وعارفه أن مافيش حد هيقول كده، وبرغم أني كنت شاطرة جدًا في مهنتي، ولما اعتزلت كان الاعتزال بدري جدا، لأن المهنة بقيت مهنة لكل ما لا مهنة له".
وتابعت صفوة خلال لقائها مع الإعلامية مروة صبري في برنامج "قعدة ستات"، الذي يعرض على شاشة “القاهرة اليوم”، : دخلي من الرقص كان كبير جدًا، وحتة راقصة دي، أنا محيتها لأني أعتزلت من 14 سنة، وأنا مش حابة، أن يسبق أسمي اسم الراقصة، وأنا عارفة اللي بقوله ده هيقوم الدنيا عليا".
تفاصيل عن برنامج قعدة ستات
برنامج "قعدة ستات"، تقدمه الإعلامية مروة صبري على قناة القاهرة اليوم، يوم السبت من كل أسبوع، وتستضيف خلاله عددا من نجوم الفن والشخصيات العامة والمشاهير.
