صفوة لـ قعدة ستات: 'مهنة الرقص صعبة لأن الراقصة بتشغل معاها 40 راجل بشنبات'

كشفت الراقصة صفوة كواليس حياتها الشخصية، وأسباب اعتزالها للرقص في وقت مبكر، مؤكدة أن مهنة الرقص صعبة للغاية.

صفوة: اعتزلت الرقص ومش حابة يسبق اسمي إسم الراقصة 

وتابعت صفوة خلال لقائها مع الإعلامية مروة صبري في برنامج “قعدة ستات”، الذي يعرض على شاشة “القاهرة اليوم”،: دخلي من الرقص كان كبير جدًا، وحتة راقصة دي، أنا محيتها لأني أعتزلت من 14 سنة، وأنا مش حابة، أن يسبق أسمي اسم الراقصة، وأنا عارفة اللي بقوله ده هيقوم الدنيا عليا.

وأضافت: وأنا عملت مجهود كبير جدًا، عشان أثبت أني ممثلة قوية، وعلشان أمحي أن يبقى قبل اسمي الراقصة، وده كلام أول مرة أقوله، وكلمة الراقصة في حد ذاتها في المجتمع الشرقي، لا يتم قبولها، وبالرغم أن مهنة الرقص صعبة جدًا، ويكفي أن الراقصة بتشغل معاها 40 راجل بشنبات.

واستكملت صفوة حديثها: لغاية النهاردة، أما تيجي تشتمي حد هتقوليله كذا، وأنا صريحة، وعارفه أن مافيش حد هيقول كده، وبرغم أني كنت شاطرة جدًا في مهنتي، ولما اعتزلت كان الاعتزال بدري جدا، لأن المهنة بقيت مهنة لكل ما لا مهنة له.

مواعيد برنامج “قعدة ستات”

برنامج "قعدة ستات"، تقدمه الإعلامية مروة صبري على قناة القاهرة اليوم، يوم السبت من كل أسبوع، وتستضيف خلاله عددا من نجوم الفن والشخصيات العامة والمشاهير.