رنا رئيس تتذكر والدها بأغنية "بنت أبويا"
نشرت الفنانة الشابة رنا رئيس عبر موقع التواصل الإجتماعي الفيديوهات و الصور إنستجرام فيديو يحتوي علي أغنية “ بنت أبويا” و صور مجمعة في الفيديو بينها و بين والدها و جدها الراحلين .
و علقت علي منشور “ بنت أبويا ويا بختي بعُمر وياك عيشته، يا حبيبي يارب خلي صوتك في قلبي العمر كله.. أنت سندي وأنت ضهري وصاحب عمري كله.. في الجنة يا أغلى ما فقدت”
والأغنية من تاليف “منه عدلي القيعي”، الألحان " إيهاب عبد الواحد"، توزيع موسيقي “ نادر حمدي"، غناء “ هناء يسري"
أغنية “بنت أبويا”
جدير بالذكر إن قدمت أغنية “بنت أبويا” في الحلقة الأخيرة من مسلسل “موضوع عائلي الجزء الثاني” و حققت الأغنية نجاحًا كبيرًا علي مواقع التواصل الإجتماعي فيس بوك و موقع الفيديوهات و الصور إنستجرام.
كلمات أغنية “بنت أبويا”
صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي ده في سلامه واهتمامه يا بختي قالوا بنت ابويا يا سلام
