مسلسل " العمدة " مش الدور اللي أرجع بيه ومفيش وسيلة لإعادة القيم غير الدراما.. أبرز تصريحات طارق الدسوقي

تصدر الفنان طارق الدسوقي، محرك البحث “جوجل”،في الساعات الماضية،  بعد استضافته في برنامج " كلام الناس " مع الإعلامية ياسمين عز  الذي يذاع عبر فضائية "مصر MBC"، لذلك نستعرض أبرز التصريحات في السطور التالية. 

وسألت ياسمين عز، الفنان طارق الدسوقي عن أهمية التفاهم بين الزوجين، ليقول: "التفاهم شيء مهم بين الزوج والزوجة مينفعش أقول يمين وهي تقول شمال".

طارق الدسوقي يطلب الزواج من  ياسمين عز  على الهواء 

وعقبت ياسمين عز خلال برنامجها، قائلة: "أنا بالنسبالي مقدرش أقول رأي مخالف لو بتقيس الأمر عليا، ميقولش يمين وأنا أقول شمال، ليقاطعها الدسوقي، قائلًا: "شكلي هجيب المأذون آخر الحلقة على فكرة، لتجيب ياسمين: "مش للدرجادي، إحنا أخوات يا استاذ طارق، وأنا هنا أخت الضيوف كلهم".

وخلال اللقاء، وجهت الإعلامية ياسمين عز، عدة نصائح للسيدات المتزوجات، مسترسلة في وصف رجال محافظات وجه بحري.

وفي سياق آخر، قالت الإعلامية  ياسمين عز:" الست اللي تتجوز من واحد دمياطي محظوظة؛ لإن ربنا كرمها براجل سكرة وإفيهاته دايما جاهزة".
 

حقيقة اعتذار طارق الدسوقي عن مسلسل العمدة 

تحدث الفنان طارق الدسوقي عن سبب اعتذاره عن المشاركة في مسلسل العمدة بطولة الفنان محمد رمضان، قائلًا:" اتعرض عليا عملين السنة اللي فاتت واعتذرت، ومسلسل محمد رمضان ممثل جيد شاطر، محمد سامي شاطر جيد، الكاست كويس جدًا، لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره".

وأردف الفنان طارق الدسوقي: "ببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما علشان نسلي الناس مرة نضحكهم نبكيهم، المهم إزاي نسمرهم قدام الشاشة".

وجهة نظر طارق الدسوقي في الدراما 

وتابع الفنان طارق الدسوقي حديثه، قائلًا:" معنديش وسيلة لإعادة عقليات الناس ومنظومة القيم والأخلاق غير الدراما، وأي خطبة يقولها الشيخ في الجامع أو القس في الكنيسة مش مؤثرة زي الدراما، أو زي المسلسل الدرامي، الصورة والحدوتة، لإن إحنا كشعب مصري وعربي بنميل لـ ده، وبتأثر على ملايين الناس، وبتأثر أكتر من أي حاجة تانية مباشرة".