يوسف الكدواني: متوقعتش نجاحي في "وبينا معاد".. وفخور بكل الأعمال اللي قدمتها (خاص)
استطاع الفنان الشاب يوسف الكدواني، جذب الإنتباه له أكثر بعد مشاركته في مسلسل "وبينا ميعاد" وحقق نجاحًا كبيرًا به ولكن هذا ليس أول عمل ناجح له، لكن قد شارك يوسف الكدواني في كثير من الأعمال الناجحة سابقًا.
وكشف الكدواني في تصريح خاص لـ "الفجر الفني" عن توقعاته لنجاح مسلسل "وبينا ميعاد" قائلًا: "أنا مكنتش حاطط توقعات لحاجة أنا الحمد لله اشتغلت وعملت اللي عليا بكل ثقة ومبسوط جدًا باللي حصل لكن انا مكنتش حاطط أي توقعات لحاجة".
وكشف رأيه عن أن الفن يجب أن يؤدي رسالة أم أنه للتسلية والترفيه فقط قائلًا: "أنا شايف أن كل الأنواع مطلوبة المسلسلات الجريمة مطلوبة والمسلسلات الكوميدي مطلوبة والمسلسلات الدراما اللي فيها رسالة مطلوبة يعني أنا شايف أن المسلسلات الكوميدي الضحك للضحك اللي من غير اسفاف طبعًا دي رسالة في حد ذاتها أن أنا اخلي حد يضحك يبتسم ده ف حد ذاته رسالة وكمان في ناس تحب التشويق والجريمة والدراما ف كل الأذواق مطلوبة ف المفروض أن يكون في ف السوق كل الألوان ويكون في تنوع".
وكشف لنا كواليس مشاركته في مسلسل موضوع عائلي الجزء الأول أمام والده الفنان ماجد الكدواني قائلًا: "طبعا كنت فخور جدا أن أنا كنت بمثل قدامه كانت أول مره أمثل قدامه وكنت فرحان جدًا بالتجربة دي وفرحت أكتر أن الترشيح جالي من أستاذ احمد الجندي المخرج كان بالنسبالي يعني حاجة اتبسطت بيها جدًا، لكن طبعا التجربة عمتًا كانت مفيدة جدًا بالنسبالي استمتعت بيها جدا لأبعد الحدود".
وكشف أقرب أعماله إليه قائلًا: "انا مبسوط بكل خطوة وفخور بكل خطوة خدتها لأن كل خطوة زادتني خبرة وممتن جدًا ل اللي انا فيه دلوقتي".
