يوسف الكدواني: ردود الأفعال على دوري في "وبينا معاد" فاجأتني.. فخور بكل ما قدمته.. وهذه أعمالي المرتقبة (حوار)
حقق الفنان الشاب يوسف الكدواني، في الفترة الأخيرة نجاحًا كبيرًا في مسلسل "وبينا ميعاد" وأيضًا أشعل مواقع التواصل الإجتماعي ولقي تفاعل كبير من الجمهور معه علي مشاهده في مسلسل "وبينا ميعاد"، وكان ل "الفجر الفني" حديث مع الفنان الشاب "يوسف الكدواني" عن كواليس عمل المسلسل وكذلك أعماله القادمة.
وإليك نص الحوار:-
-في البداية حدثنا عن ترشيحك للمسلسل
الذي رشحني هو الأستاذ هاني كمال المؤلف والمخرج، طبعًا الفضل له هو الذي رشحني ف الأول والذي انا أعرفه أنه كان يوجد أكثر من مرشح لذلك الدور.
-ما هي كواليس العمل مع الفنان صبري فواز والفنانة شيرين رضا ؟
الشغل مع الفنانة شيرين رضا وأستاذ صبري ممتع جدًا جدًا هما الاتنين بيدعمونا دائمًا وفي اللوكيشن دائمًا واقفين جنبنا ودائمًا يعني بيسندونا وبيفيدونا في كل حاجة.
-كيف استعددت لشخصية علي ؟
كنا بنقسم الشخصية للمراحل بتاعتها لأن شخصية علي فيها كذا مرحلة ف قسمنا المراحل وتعاملت معاه ك شخصية بني آدم عادي وليس كطبيب صيدلي لأن الجوانب الطبية لم تكن ظاهرة.
-ما أوجه الشبه بين يوسف الكدواني وعلي ؟
مفيش شبه أوي بينا بس ممكن اكتر حاجة مشتركة بينا هي الهدوء.
-حدثنا عن كواليس العمل مع النجوم الشباب وخصوصًا أنه من الواضح وجود كيمياء بينكم.
طبعًا النجوم الشباب (أسامة الهادي ويوسف إبراهيم ومحمد العزازي) الحمد لله إحنا كنا محظوظين أننا كلنا كنا محترمين بعض جدًا جدًا وحابين بعض جدًا ومش كلام كدة خالص لا، بس بجد كلنا يعني انا وهما كنا حابين بعض جدًا جدًا وبندعم بعض جدًا ودائمًا واقفين مع بعض ف انبسطنا بالشغل مع بعض جدًا.
-حدثنا عن مشهدك مع الفنان صبري فواز أثناء اعتذارك له.. وكيف استعددت له.. وما رأيك في ردود الأفعال عليه.
ردود الأفعال أبهرتني جدًا مكنتش مصدق أن رد الفعل هيكون كدة.. تجهيز المشهد ده كنت أنا وأستاذ هاني كمال وصبري فواز، قعدنا واتكلمنا وقعدنا نتناقش رد الفعل هيبقي ايه والأب هيعمل ايه وشوفنا أن اللي حصل ده هو أنسب رد فعل من ناحية حسن وناحية علي.
-المسلسل يناقش قضايا مهمة جدًا ومنها اختلاف وجهات النظر بين الآباء والأبناء من وجهة نظرك ما هي أنسب طريقة لتعامل الطرفين مع بعض ؟
“أنا مبسوط أن المسلسل بيناقش فكرة الأب اللي مصاحب أولاده أوي وشوفنا الأم المتشددة جدًا مع بناتها وشوفنا مميزات وعيوب ده وده، ف أنا معنديش التركيبة الواحدة اللي شايفها أنسب حاجة ولكن أنا شايف أن كل واحد يبص ع العلاقتين دول ويستفيد هو من ناحيته يشوف إيه اللي غلط فيه هنا وايه اللي عمله صح من هنا”.
-هل انت مع التشدد الرهيب في التربية أم الصداقة المباح بها كل شئ ؟
“دي ليها مميزاتها وعيوبها ودي ليها مميزاتها وعيوبها ولكن كل اب مع أولاده هما ليهم الصح بتاعهم والتركيبة الصح المناسبة ليهم”.
-السوشيال ميديا تسأل هل سيكون هناك تطورًا في علاقة علي وأروي.
“ما دي حاجة أحب أسيبها لـ السوشيال ميديا بردو ونفضل نتكلم عليها لحد ما نشوف هنوصل لايه وهنشوف ف الحلقات الجاية ايه ممكن يحصل”.
-هل توقعت نجاح المسلسل بالشكل ده ؟
"أنا مكنتش حاطط توقعات لحاجة انا الحمد لله اشتغلت وعملت اللي عليا بكل ثقة ومبسوط جدًا باللي حصل.
-هل تعتقد ضرورة أن يقدم الفن رسالة أم يكون هدفه مجرد التسلية فقط ؟
“أنا شايف أن كل الأنواع مطلوبة، يعني أنا شايف أن المسلسلات الكوميدي الضحك اللي من غير اسفاف طبعًا دي رسالة في حد ذاتها أن أنا اخلي حد يضحك ده ف حد ذاته رسالة، ف كل الأذواق مطلوبة ف المفروض أن يكون في ف السوق كل الألوان ويكون في تنوع”.
-حدثنا عن كواليس مشاركتك في موضوع عائلي 1 أمام والدك الفنان الكبير ماجد الكدواني
“كنت فخورا جدا بوقوفي أمام والدي.. كانت أول مره أمثل قدامه وكنت فرحان جدًا بالتجربة دي وفرحت أكثر أن الترشيح جالي من أستاذ احمد الجندي المخرج كان بالنسبالي يعني حاجة اتبسطت بيها جدًا، لكن طبعا التجربة عمتًا كانت مفيدة جدًا بالنسبالي استمتعت بيها جدا لأبعد الحدود”.
-ما أقرب أعمالك إلة قلبك ؟
"أنا مبسوط وفخور بكل خطوة خدتها لأن كل خطوة زادتني خبرة وممتن جدًا للي انا فيه دلوقتي".
-ما هي اعمالك المرتقبة.. وهل نراك في السينما قريبًا ؟
“حاليًا مفيش أي حاجة.. كان في من قريب كلام علي حاجة تانية لكن مفيش اي حاجة أكيدة اقدر اتكلم عليها ؤ أما السينما ف أتمني”.
