خاص.. رامي عاشور يكشف لـ "الفجر الفني" تفاصيل أغنيتة الجديدة "توكسيك"

يستعد الفنان رامي عاشور لطرح أغنية جديدة له بعنوان "توكسيك" عبر موقع الفيديوهات الشهير "يوتيوب" وجميع منصات الموسيقى العربية.

رامي عاشور يكشف عن تفاصيل اغنيته الجديده توكسيك 

وكشف الفنان "رامي عاشور" في تصريح خاص لـ "الفجر الفني "عن تفاصيل أغنيته الجديدة قائلًا: "أغنية "توكسيك "من كلماتي وألحاني، ومن توزيع أندرو منير، ميكس ماستر هاني محروس.

وأكد رامي عاشور على أن الأغنية من المقرر طرحها اليوم في تمام الساعة الرابعة عصرًا، وهي تنتمي للون الكوميدي، حيث تتضمن في مضمونها بعض كلمات الهزار والضحك، مشيرًا إلى أنه متحمسًا لها كثيرًا، ومتمنيًا نجاح الأغنية.

آخر أعمال رامي عاشور أغنية هضحك برضو 

يذكر أن رامي عاشور طرح مؤخرًا أغنية تحمل إسم "هضحك برضو "عبر موقع "يوتيوب"، وهي من كلمات حسام سعيد، ومن ألحان وتوزيع إسلام رفعت، وميكس وماستر: هاني محروس وانتاج NJ Music.

كلمات الاغنية 

وتقول كلمات الأغنية

هي الدنيا ليه مِلَطَشة
فين الفرحة والفرفشة
فيه حاجات ياما جاية عليا
الأيام دي صعبه شوية
حظي معاكس ليه مش ماش
كله بقى اسود فين الفوشيا
بس ده كله عادي انا قَدُه
ومهما حصلي هضحك برضو
هضحك بردو
لسه مفركش الأيام دي
سابتني حبيبتي وأغلى ما عندي
كنت عليها باني حياتي
كنت عايزها تبقى مراتي
عمري عليها أنا ضيعته
وقلبي آديني بإيدي وجعته
أحلام ياما فوقي إتهدو
بس يا دنيا هضحك برضو
هضحك بردو

أعز صحابي ضربني ف ضهري
وكنت انا فاكرُه صاحب عمري
باع عشرتنا بسعر قُليّل
فاكره انا راجل وطلع عَيّل
طب ده انا ياما عملت عشانُه
ليه بسهولة كل ده خانُه
صحاب مضروبة من جوه يخُضو
ورغم ده كله هضحك برضو
هضحك بردو
يومي متلغبط كله مشاكل
يجي ١٠٠ علقة أنا متاكل
حتى ف شغلي وضعي مأزِم
لا فلوس لاقي ولا بَتقدِم
ف كل حياتي دي أصعب فترة
نازله همومها زي المَطره
وبقول دايمًا يومين ويعَدّو
ومهما يطوّلو هضحك برضو
هضحك بردو.